Orðlaus...

....nú er ég orðlaus á blaðamennskunni á mbl.is - Þetta mál hefur akkúrat ekkert að gera inn á síður mbl.is. Ætli það sé ekki nóg fyrir aðstandendur og aðra að takast á við málið í nær samféalginu þó ekki þurfi að vera að lesa um það á siðum fréttamiðla.

Óska Tryggva að sjálfsögðu alls hins besta í baráttu sinni. En finnst algjörlega fyrir neðan allar hellur að vera að birta þetta hér. Verður hér eftir birtur listi yfir alla þá er ákveða að leita sér hjálpar? Eða keyra undir áhrifum?

Ótrúlegt hvað þessum miðli, mbl.is,  fer aftur. Hingað til hefur nú íþróttadeildin haldið andlitinu.

Farinn í meðferð - tilbúinn í júní

Allar dollurnar......

...í Frostaskjólið!!!  Veit ekki með ykkur en ég hef það á tilfinningunni að þegar mótið verður gert upp í haust að þá verði allar dollur sumarsins í læstum skápum í Frostaskjólinu í Reykjavík. - Vona að ég hafi rangt fyrir mér en er ekki svo viss um að svo verði. Leiðist alltaf þegar sama liðið vinnur allt en stundum gerist það.

Bara lúxusvandamál hjá KR-ingum

Þessu ber að fagna

Aðdáendur íslenska tuðrusparksins hljóta að fagna þessu af heilum hug. Það hefði orðið dapurt sumarið ef að ekki hefði maður haft tækifæri á að góna á tuðrusparkið sitt á skjánum öðru hvoru, nema með því ða kaupa sér áskrift. Maður fer náttúrulega ávallt á Hásteinsvöll til að sjá sína menn berja frá sér og hirða stig. En maður fer ekki á alla leiki í hverri umferð og því er nú gott að hafa svona þátt á skjánum þar sem stiklað er á stóru.

Flott ákvörðun hjá þeim er að þessu standa. .....hlakka til

 

.....áfram ÍBV alltaf allstaðar og um alla eilífð

Pepsi-mörkin í opinni dagskrá á Stöð 2

...og Pólverjar

Það má ekki gleyma því að það eru Pólverjar í Grindavík líka þó svo að þeir séu ekki þarna við tuðruspark.

Það verður gaman að sjá hvaða stimpil Guðjón Þórðarson setur á Grindavíkurliðið í sumar. Liðið hefur átt erfitt uppdráttar síðustu ár en þó alltaf varið sæti sitt í efstu deild. Ætli það verði breyting þar á í sumar?

Skoti og Englendingur í Grindavík

Hvur andsk...........

Tap gegn KA!!!! Það kemur sér að þetta var ekki leikur i Íslandsmótinu þá hefði ég reytt hár mitt og skegg. Ekki alveg að ganga upp hjá mínum mönnum púslið þessa dagana. Svolítið um meiðsli og aðrar misfellur. Það hlýtur að sléttast úr því á næstu vikum. Menn verða að koma nú sprækir til leiks þegar Pepsi-deildin hefst fyrr alvöru . Áfram ÍBV

KA skellti Eyjamönnum

Guttarnir á skotskónum!!!!

Ætla nú ekki að missa mig í fagnaðarlátunum yfir þessum sigri gegn Stólunum. Gaman að sjá að guttarnir Kjartan Guðjóns og Víðir ÞOrvarðar skoruðu - ég er virkilega ánægður með það. Held að þetta sumar verði bara allt í lagi hjá ÍBV - hlakka til að sjá hvernig það verður.

Stórsigur hjá Eyjamönnum

Þá eru menn klárir í slaginn!!!

Þá held ég að púslið sé orðið klárt hjá Eyjamönnum. Nú er bara að vinna í að fá þá kappa sem meiddir eru til að komast í stand og vera klára þegar flautað verður til fyrsta leiks. Tryggvi Guðmunds verður væntanlega ekki klár þá en aðrir ættu að vera búnir að hrista af sér og vera klárir í slaginn. Það verður engin miskunn í sumar. Maggi Gylfa hefur lofað því að ganga nánast af göflunum í það minnsta 4 sinnum  í fyrri umferðinni og 7 sinnum í þeirri seinni - það verður því ekki spilað í kyrrþey hjá ÍBV í sumar!!!!

Olsen til liðs við ÍBV

Skemmtileg tilviljun!!!

Vil nú byrja á að óska pilti til hamingju - alltaf gaman að sjá menn
ná samkomulagi við erlend félagslið.  En það sem að mér þykir skondið er
að strákurinn skrifar unidr í dag á afmælisdegi karls föður míns - sem
ber sama nafn og piltur!!!

Hjörtur skrifaði undir hjá PSV

Glæsilegt vægast sagt

Sérdeilis frábært afrek hjá pilti. Maður fær allt í einu pínu trú á Framliðinu og að það muni kannski vakna til lífsins á ný á komandi Íslandsmót, á ekki von á því að þetta hafa verið dauðakippir hjá fyrrverandi stórveldinu úr Safamýrinni gegn stærsta liðinu í vesturbænum. Til hamingju Lennon - Til hamingju Frammarar.

Lennon skaut KR í kaf - fimm mörk

Nauðlending!!!

Ekki er ég þeirrar skoðunnar að það eigi að gefa pilta úr landi í atvinnumennskuna. EN hefði nú haldið að menn gætu með einbeittum vilja náð lendingum í svona málum. 'Felagið má ekki gleyma að það er góð auglýsing fyrir félagið þegar leikmenn eru seldir erlendis. Ekki bara það að leikmaðurinn sé góður heldur sjá aðrir leikmenn að félagið og leikmaðurinn geta unnið sem að hagsmunum beggja aðila. Norska deildin nokkrum þrepum ofar en sú íslenska - klárlega - og færsla þangað því góð fyrir pilt sem klárlega er tilbúinn að taka næsta skref. Ef að leikmaðurinn er að losna í október undan samningi hjá Stjörnunni er ekki víst að félagið fái mikið fyrir hann héðan í frá.  Ef ég man félagaskiptareglurnar rétt má hann ganga til samninga við nýtt lið þegar 6 mánuðir eru eftir af samningi hans og menn geta lítið í því gert!!!  Vona fyrir hönd beggja aðila að menn dusti rykið af samningatækninni. Tek samt fram að ég veit ekki hvað norska liðið var að bjóða. Kannski var tilboð þeirra arfaslakt og enginn ástæða til þess að eyða tíma í það.

Halldór Orri óhress með Stjörnuna