Bakkabræður

Maður veit ekki orðið hvað skal talið rétt og hvað er rangt í allri þessari vitleysu sem þetta mál virðist orðið. Fyrir 2-3 dögum lá við að allir slepptu sér af því að blað í Englandi sagði að Alistair Darling hefði sagt að einhverjar breytingar gætu orðið frá þeim samningi er nú liggur á borðinu. Ekkert hefur gerst síðan nema einhverjar væntingar eru á lofti. Bretar og Hollendingar ráða væntanlega ráðum sínum og koma með gagntilboð .....eða ekki. Ég veit ekki hefði nú talið eðlilegt að Steingrímur ræddi við kollega sína erlendis og hleraði þá og gerði þá grein fyrir því ef eitthvað áþreifanlegt væri í aðsigi að utan. Hef heldur enga trú á öðru en að hann myndi gera þá grein fyrir því. Sé ekki að honum sé neinn hagur í því að þegja.

Þetta Icesave ástand er að verða svona eins og í 6 ára bekk þar sem krakkar geta dottið í það að rífast um það hver rétti fyrstur upp hönd ef kennarinn varpaði fram spurningu. Allir vilja Lilju kveðið hafa. 

Þið bara fyrirgefið að ég verð sífellt meira og meira sammála manninum sem kom hér í prentsmiðjuna um daginn og sagði að hann yrði eim degi fegnastur þegar einhver þjóð tæki okkur í fóstur því okkur væri gjörsamlega fyrirmunað að sjá um okkur sjálf - við værum margbúin að sýna það síðustu ár.

Grunur um leynimakk

Athugasemdir

[Árni Björn Guðjónsson, 20.2.2010 kl. 08:42]

Sigmundur þolir ekki að Steingrímur hringir í Indriða. Sigmundur ætti ekki vera í stjórnmálum það er honum offiða.

[Arinbjörn Kúld, 20.2.2010 kl. 09:52]

Ég get alveg viðurkennt að þessar pælingar hafa hvarflað að mér þ.e. að okkar hag sé best borgið í fóstri annarar þjóðar. Okkur virðist vera fyrirmunað með öllu að koma hér á mannlegu og þroskuðu samfélagi.

Kveðja að norðan.

[Halldór Jóhannsson, 20.2.2010 kl. 10:18]

Ekki vandamál að minni hálfu að fara í fóstur hjá Norðmönnum:)Eða bara að þið EYJAMENN takið okkur í fóstur...hehe:)

[Gísli Foster Hjartarson, 20.2.2010 kl. 11:20]

Halldór ég held að við Eyjamenn séum nú ekkert öðruvísi en restin af þjóðinni. Við myndum örugglega líka hafa gott af erlendu yfirráði.

Hjartanlega sammála þér Arinbjörn

[Sigurður Haraldsson, 20.2.2010 kl. 12:30]

Þetta er orðið spurning um lýðræðið það er í molum við verðum að endurskipuleggja stjórnkerfið eins og það leggur sig. Þjóðstjórn strax óháða flokkstæðinu og spillingunni ef við finnum ekki nægilega marga úr okkar röðum þá biðjum við um aðstoð erlendra sérfræðinga.

[Sigurður Haraldsson, 20.2.2010 kl. 14:33]

Utanþingsstjórn verður að vera svo vegna flokksræðisins sem ekki virar.