Svona eru jólin!

Er það ekki þannig á jólnum að ekki fá allir það sem að þeir vilja? Selfyssingar fallnir - því miður. Breiðablik vann KR - því miður,ber samt meiri hlýhug yfirleitt til Blika,  hefði viljað jafntefli. Fimleikafélagið vann.

En engu að síður góður sigur í suðurlandsslagnum og ÍBV klárlega en með í baráttunni um titilinn. Til hamingju með þetta peyjar, Heimir og þið er að þessu standið - glæsilegt.

Gaman að sjá líka að Berti fékk að taka víti, hann hefði kannski nýtt víti sem farið hafa í súginn hjá okkur en það þýðir ekkert að vera að velta sér upp úr því. Hann kostaði okkur líka mörk í fyrstu leikjum sumarsins þannig að allt jafnast þeta út. En hann er búinn að vera einn af lykilmönnum sumarsins sá gamli, hefur leikið heild yfir vel yfir pari. Vona að félagi Tóti sé ekki illa meiddur.

Hlakka til að fá Stjörnuna í heimsókn á sunnudag,Atli Yo og Tryggvi Bjarna koma í kaffi á Hásteinsvöll, þann leik verðum við að vinna.

Áfram ÍBV alltaf allsstaðar

Selfoss nánast fallið eftir tap gegn ÍBV

Athugasemdir

[Helgi Þór Gunnarsson, 17.9.2010 kl. 06:52]

Sæll Gísli, og góðan og blessaðan daginn, ertu ekki sammála mér að árangur strákana er mjög góður? Mér finnst þeir hafa staðið sig frábærlega vel, auðvita er betra að klára þetta með sóma og stolti, en engu að síður eru þeir búnir að vera frábærir í allt sumar.    Áfram ÍBV.

Kær kveðja.

[Gísli Foster Hjartarson, 17.9.2010 kl. 11:59]

Árangurinn búinn að vera frábær og getur bara orðið betri. Þetta hefur gengið eins og smurð vél og meira að segja hefur loðað við okkur svokölluð meistaraheppni í sumum leikjum, en það er nú ekki oft sem sú heppni vinnur með ÍBV. En menn "vinna sér inn" þessa heppni.

Áfram ÍBV alltaf allsstaðar