Dapur endir á góðu móti

Það er ekki hægt að segja annað en að árangur ÍBV í sumar í deildinni sé góður. Sigur á síðasta degi og við hefðum orðið meistarar en svo var ekki og liðið endar í þriðja sæti. Fyrir mótið var ég að gæla við að við myndum auka stöðugleikan frá í fyrra og enda í 6-8 sæti þannig að ég get ekki verið annað en vel  sáttur. Vissulega er pínu svekkelsi með úrslitin í dag en svona er þetta.

Þakka leikmönnum, Heimi þjálfara og knattspyrnuráðinu fyrir góða skemmtun í sumar. Nú er bara að byrja að púsla saman fyrir sumarið 2011. Deild, bikar .......og já Evrópukeppni. Stefnir í að það gæti orðið skemmtilegt sumar.

Áfram ÍBV alltaf allsstaðar

Keflavík gerði út um vonir Eyjamanna

Athugasemdir

[Björn Birgisson, 25.9.2010 kl. 17:58]

Svekkjandi fyrir Albert að klikka á vítapunktinum, eða ætti ég að segja vendipunktinum? Eyjamenn voru bara flottir í sumar.

[Gísli Foster Hjartarson, 25.9.2010 kl. 18:26]

Já Björn þetta hefur verið skemmtilegt sumar. .......Albert á eftir að fá ða heyra þetta ótrúlegt við höfum klikkað á þremur vítaspyrnum í sumar. Það var dýrkeypt

[Gísli Sigurðsson, 25.9.2010 kl. 22:41]

Nafni ég segi bara á góðri íslensku eða þannig: Been there, done that!!  Þetta er það mest svekkjandi í boltanum, að tapa leiknum sem hefði skilað manni titlinum. En svona er bara boltinn. En fótboltinn er bara svo skemmtileg íþrótt að maður er búinn að gleyma svekkelsinu þegar allt fer í gang á næsta tímabili. Svo hef ég líka körfuboltann til að horfa á í vetur. Eruð þið ekki með lið í efstu deild í handboltanum? Þú fyrirgefur fáfræðina, ég fylgist ekki mjög mikið með handbolta frekar en svo margir hér á Suðurnesjum, af einhverjum ástæðum hefur hann aldrei náð að festa rætur hér.

[Sigurður Þorsteinsson, 26.9.2010 kl. 13:33]

Heill og sæll Gísli. Var í Garðabænum og það var ljóst að Blikar gerðu sér ljóst að jafntefli myndi duga. Þeir voru betri aðilinn en lögðu meiri áherslu á að fá ekki á sig mark, þegar fréttir fóru að berast úr Keflavík. Hitt er annað mál að IBV er sigurvegari mótsins. Enginn átti von á þeim meðal þriggja efstu liða, en þeir verðskulduðu að vera í toppbaráttunni.

Á undanförnum árum hefur spegladreggjum fjölgað í boltanum. Leikmenn sem eyða síðustu mínútunum inn í búningsklefanum til þess að syrta á sér hárið og bera á sig brunkukrem. Svo tipla þeir um völlinn eins og tískusýningarstelpur á sviði. IBV liðið er andstæða þessa. Það var gott að fá Eyjapeyja í slaginn að nýju. Næsta ár verður betra. 

[Gísli Foster Hjartarson, 26.9.2010 kl. 19:09]

Nafni  Svekkjandi og ekki! Jú víst er sárt að vera svo nærri en klára ekki.  Já nú tekur karfan við. Við Eyjamenn eigum ekki enn lið  í toppbaráttunni þar en ég mun eins og síðastliðin 20 ár halda með strákunum frá Stykkishólmi í þeirri baráttu. Svo virðist heyrist mér sem að vinur minn Frikki Stefáns sé að hætta með Njarðvíkingum og er það skarð fyrir skyldi. Einn fremsti íþróttamaður sem að Eyjarnar hafa af sér alið.

Til hamingju með titilinn Sigurður. Takk fyrir hlýjar kveðjur í garð minna manna. En ég segi besta liðið vann og það verðskuldað og mér leiddist ekki að heyra að Olgeir hefði verið fyrirliði en svo leiðinlega vildi til að árið sem að ég kom inn í knattspyrnuráð þá yfirgaf sá ágæti piltur herbúðir okkar og gekk til liðs við þá grænu í Kópavogi og hefur vegnað vel. Við höfum fylgst með honum úr fjarlægð.

Eyjamenn geta tekið margt gott með sér frá þessu sumri og ég vona að Heimir og strákarnir, bæði leikmenn og aðstandendur liðsins, nái að vinna vel úr niðurstöðu sumarsins, haldi áfram að móta leirinn og félagið verði í toppbaráttu næsta sumar.