Hemjið nú fákana gott fólk!

Já já ég er alveg á því að það megi endurskoða kvótakerfið rétt eins og hvert annað kerfi en menn verða að stíga varlega til jarðar. Við verðum að vanda þær aðferðir sem við ákveðum að fara við þetta. Við getum ekki bara tekið þá sem hafa af þessum fullan rekstur í dag og skotið hann í kaf - þó svo að það sé eitthvað svo íslenskt. Við skulum ekki hrinda mönnum fyrir björg. Ég er þess alveg viss um að það er hægt að fá menn inn á að skoða breytingar ef að menn setjast niður og fara yfir málin raunhæft.  Við skulum ekki gleyma að eins ruglað og það er, þá var mönnum leyft að láta taka veð í kvótanum, með leyfi stjórnmálamanna og því geta menn ekki bara skotið það af 1, 2 og 3 ætli menn þurfi ekki svona 15-20 ára aðlögun í því. En ræðum það síðar. Ég er ekki hlynntur hugmyndum eins og maður hefur heyrt hjá sumum að öllum landsmönnum verði úthlutað kvóta og það fái svo að gera það við hann sem það vill. veiða, leigja, selja eða láta synda bara áfram í sjónum - þar finnst mér fólk alveg úti á túni.  En mér finnst þetta heldur alls ekki mega vera þannig að sjávarútvegsráðherra verði með dollarmerki í augunum að hætti Jóakims aðalandar þegar veita á veiðiheimildir!!!!

Stjórnvöld afturkalli kvótann