Að gefa til samfélagsins

En og aftur koma Samherjamenn fram með þeaa stóru og myndarlegu styrki í lok árs - alveg magnað og svo sannarlega til merkis um að þeir vita hversu mikilvægt það er að setja pening í  svona verkefni. Þarna styrkja þeir félög á Eyjafjarðarsvæðinu myndarlega. Félög sem tengjast Samherja bæði í gegnum börn starfsmanna og jafnvel starfsmenn sjálfa. Algjörlega til eftirbreytni.

Það er nefnilega svo að án góðs umhverfis og góðra starfsmanna blómstrar ekkert fyrirtæki. Það færi ekki langt ef aðeins væru til staðar yfirmennirnir. Hvort þetta er svo stór upphæð sem þarna er lögð fram eða ekki get ég ekki skilgreint nákvæmlega enda ekki með ársreikning Samherja íhöndunum á þessari stundu. EN að menn skulu veita fjármunum í sitt nánasta umhverfi er vel.

Vel gert Samherjamenn

Samherji gefur 75 milljónir

Athugasemdir

[Halldór Jóhannsson, 29.12.2011 kl. 01:11]

Bara frábært hjá þeim og hafi þeir þakkir fyrir það:)
En prentsmiðjun Eyrún,heheh:)

[Guðleifur (IP-tala skráð) 29.12.2011 kl. 09:00]

Kommúnistarnir sem kommenta við þessa frétt eiga mjög bágt með að horfa upp á svona lagað. Í fyrsta lagi að fyrirtækin séu ekki rekin af ríkinu, að þau hafi einhverja fjármuni að spila úr og að þau geti veitt þeim einhvert annað en í skatta.

[Tryggvi Þórarinsson, 29.12.2011 kl. 09:37]

Tek undir orð þín Gísli.

Ég hef aldrei starfað við sjávarútveg en fór svona til gamans á fund hjá Samherja sem haldin var fyrir almenning á Hótel Kea í fyrra. Þetta var kynning á hvernig þetta félag starfar, á hvaða mörkuðum þeir starfa og síðan hvað mikil þjónusta það er sem þeir kaupa af fyrirtækjum á eyjafjarðarsvæðinu. Þetta var satt að segja gríðarlega fræðandi og skemmtilegur fundur og gerði manni ljóst að Samherji er okkur gríðarlega mikils virði, þá á ég við bæði eyjafjarðarsvæðinu og okkur landsmönnum.

Það eru bara sumir sem ekki vilja kynna sér málin og eru bara á móti, því miður. Hvaða fyrirtæki gefur 75 miljónir til íþróttamála annað en Samherji tildæmis?

[Gunnar Th. Gunnarsson, 29.12.2011 kl. 11:13]

Þetta er BARA jákvætt.

[Gísli Foster Hjartarson, 29.12.2011 kl. 16:34]

Halldór Prentsmiðjan veltir ekki þessum tölum sem þessi stóru fyrirtæki gera. En ég hugsa að þegar tekið er mið af rekstrartölum þá styrkjum við í prentsmiðjunni ansi myndarlega er ég hræddur um og jafnvel vel betur en þess stóru fyrirtæki. (án þess þó að ég ætli að slá mig til riddara, enda menn á Íslandi ekki slegnir til riddara!!!)

Guðleifur engir kommúnistar hafa kommentað hér, sé svo þá eru það allavega jákvæðir piltar.

Já Tryggvi ég held að það sé víða sem fólk gerir sér ekki í grein fyrir margfeldnisáhrifum svona fyrirtækja. Við segjum oft hér í prentsmiðjunni að það væri meiri fengur fyrir Eyjar að fá 5 lítil fyrirtæki frekar en eitt stórt - vissulega margt til í því en þarna er risafyrirtæki að gera vel. Megum ekki gleyma að ég hef nú Samherjamenn grunaða um að vera líka að styrkja ýmis félög á öðrum tímum ársins og því er þessi tala eflaust mikið hærri. - en þetta er flott hjá þeim.