Lundinn sestur upp!!

Góður sigur gegn Grindjánum. Við höfum ekki riðið feitum hesti frá viðureignum okkar við þá síðustu misseri. 3 töp í röð fyrir þennan leik. Gott að landa þessu. Jújú vorum einum fleiri en það tryggir ekki alltaf sigur. Það þarf að hafa fyrir þessu og það gerðu menn og gerðu vel. - Glæsilegt peyjar. Gummi T'ota farinn að skora - ja hérna hér ;) Jeffsy skoraði ekki í fyrsta skipti í fjórum leikjum og ÍBV liðið hefur núna skorað 11 mörk í röð , ef ég man rétt, án þess að Tryggvi hafi skoraði. ....já lundarnir eru sestir upp. Grindvíkingar eru hins vegar alveg heillum horfnir, hafa svo sem ekki verið sérstakir síðustu ár. En ætla samt að biðja fólk um að vera ekki að dæma þá niður því nóg er eftir af mótinu.

Svo verður dregið í Evrópukeppninni í byrjun næstu viku. Möguleiki á skemmtilegum liðum - hlaka til að sjá hvernig drátturinn verður.

Þriðji sigur ÍBV í röð