Snilldin ein

Magnaður árangur hjá Annie Mist - ekki amalegt að ná að verja þennan titil. Ekki gerst áður í þessari ungu keppnisíþrótt. Athyglisvert líka að Rich Froning sem vann í karlaflokki var líka að verja titil sinn. Hvernig ætli þeim gangi að ári? Gaf mér góðan tíma í gærkvöldi til að horfa á keppnina á netinu - magnað alveg hreint og með ólíkindum formið sem fólkið er í. Ekki eins og þetta hafi verið keppnisdagur númer 1 í mótinu. Samt líka gaman að sjá að þetta er "mennskt" lið því þeim gekk misvel eftir æfingum og æfingunum öllum var síður en svo bara rúllað upp, fólk á sínar veiku og sterku greinar - rétt eins og í öðru í lífinu. Annie Mist vann t.d. 2 greinar af 14 og fór alveg niður í 33 sæti í einni grein, ef ég skil töfluna rétt. Rich vann 3 greinar en lenti neðst tvisvar í 18 sæti.

Hjartanlega til hamingju með árangurinn Annie Mist Þórisdóttir   ......svo er bara að verja titilin aftur!!!

 

 

 

 

 

 

 

Annie Mist: Þetta er fáránlegt!