Að hanga í pilsfaldinum hjá Jónínu Ben.

Þetta hafa verið undarlegir dagar upp á síðkastið, bloggið hefur gengið eins og í sögu og hefur komið mér stöðugt á óvart. Bloggin mín hafa kannski ekki komið mér á óvart heldur sá mikli fjöldi sem að heimsækir bloggið mitt reglulega – þeta er eins og í lygasögu, nema hvað þetta virðist vera alveg satt, nema að einhver hjá mbl.is sé að fikta í teljaranum mínum! 

En alla þessa viku er eins og ég hafi hangið i pilsfaldinum hjá hinni ágætu Jónínu Ben., hún er alltaf 1 til 2 sætum fyrir framan mig, greini samt ekki göngulagið, og svei mér þá ef að mér finnst ég bara ekki vera farin að þekkja þessa elsku. Hef reyndar aldrei hitt hana í eigin persónu, enda fer ég ekki oft af skerinu mínu fagra, og er svo frekar til baka ef að ég yfirgef svæðið, og leiðir okkar hafa því ekki legið saman. Vona bara að þetta fari ekki svoleiðis að ég stígi á pilsfaldinn hjá henni, en ef svo óheppilega vildi til þá bið ég hana fyrirgefningar fyrirfram, allt í lagi Jónína mín, því það var svo sannarlega alls ekki ætlunin að stíga á faldinn - vil ekki eyðileggja vinskapinn strax í upphafi. 

En þetta á svo sem ekki bara við um þessa elsku  aðrir þarna eru orðnir manni kunnuglegir og það er gaman að sjá Jens Guð þarna blogginu á nefnilega í fórum mínum poppbókina sem hann skrifaði á sínum tíma – mikill tónlistarspekúlant þar á ferð með skemmtilega pistla oft á tíðum, mun oftar en ég allavega.

Athugasemdir

[Jón Óskar Þórhallsson (IP-tala skráð) 13.9.2007 kl. 14:37]

Ekki slæmur BÓNUS við bloggið þetta.