Til hamingju Ísland !!!!!!!

Eða á það kannski ekki við í þesu tilfelli? 

Hlakka til að sjá bátana koma drekkhlaðna til lands.  En okkur ber nú samt alltaf að stíga gætilega til jarðar þegar við erum að ræða um samskipti manns og náttúru og það á náttúrulega við um loðnuna eins og aðrar tegundir.

Hlýtur að vera skárra að veiða aðeins minna, heldur en ekki neitt og geta svo kannski veitt meira á næsta eða þar næsta ári - minna magn ætti að hækka verðið á afurðunum þ.e.a.s. ef að markaðurinn er eðlilegur!!!

Loðnuveiðar heimilaðar á ný

Athugasemdir

[Fannar frá Rifi, 27.2.2008 kl. 16:22]

Spurning hvort loðnan komist áfram til að hrygna í Breiðafirði.

léleg hrygning þýðir bara verri afkomu á næsta ári.  

[Gísli Foster Hjartarson, 27.2.2008 kl. 17:12]

Alveg er það hárrétt Fannar frá Rifi og þess vegna stilla menn þessu kannski aðeins meira í hóf, en áður var gert ráð fyrir - þetta er spurningin um að skjóta sig í fótinn. Kannski sjáum við það gerast, en vona að skipstjórar séu að fara með rétt mál og ástandið sé betra en fiskifræðingar segja.  - Eru menn kannski bara alltaf að ljúga að sjálfum sér á þessum blessuðu fiskveiðum? Eða eru fiskifræðingarnir menn sem vita bara ekkert hvað þeir eru að segja?

[Sverrir Örn Einarsson (IP-tala skráð) 27.2.2008 kl. 17:33]

Held það sé líka mikilvægt að fylgjast með breyttu atferli fiskistofna við Ísland.

Held það sé frekar augljóst að þegar hafið í kringum landið hlýnar breytast þær leiðir sem fiskurinn fer að hrygningarslóð þessu hafa sjómenn fylgst með en skriffinnarnir ekki. 

[joi (IP-tala skráð) 27.2.2008 kl. 18:03]

Held því miður að þetta geti verið upphafið að endalokunum. Kannski er líka bara best að þurrka þessar pöddur allar upp með tölu áður en við göngum í ESB. Betra að við gerum það þó en Spánverjar, Portúgalir og einhverjar aðrar "ryksuguþjóðir". Menn gleyma því að stór hluti rannsókna HAFRÓ snýst um samanburðarvísindi, ekki alltaf að mæla með nýjustu græjum. þá eru menn að bera saman appelsínur og epli.

Skrýtið að heyra í einum af aðal loðnumógúlum HAFRÓ segja í RUV fréttum í gær, að það væru litlar líkur á að torfurnar hefðu eitthvað stækkað í einni brælu!!!! Hvað breyttist síðan í gærkvöldi? Fór EKG á taugum við að láta einhverja skipstjóra úr eyjum flytja hjartnæmar ræður lesnar úr gamalli stílabók?

Held að 20 þúsund tonn til eða frá í kvóta skipti litlu máli. Annaðhvort verður þetta bannað og reynt að ná stofninum upp, eða menn bara veiða þetta og taka stóra áhættu á að skaða stofninn þannig að það þurfi að banna veiðar í mörg ár. Hvort vilja menn gera? Loðnuskipstjórarnir úr Vestmannaeyjum vilja frekar ná í nokkrar millur í laun í febrúar/mars 2008, en eiga svo von á að geta ekki veitt eina pöddu næstu árin. Er það skynsamlegt?

Þorsk & loðnustofninn er greinilega að minnka. Það eru allir sammála um það, nema þessir örfáu sem hafa af því beina atvinnu að veiða loðnu & þorsk. Þeir eru auðvitað að hugsa um núið og fá vinnu. Eðlilegt hjá þeim, en sjávarútvegsráðherra má ekki fara svo illilega á taugum að hann sé jafnvel að gera út af við þessa stofna.

Hvað ætlar EKG að gera um næstu verslunarmannahelgi þegar hann kemur með neikvæðar fréttir af þorskkvóta fyrir næsta kvótaár? Bíða í viku og auka svo kvótann langt langt umfram það sem HAFRÓ leggur til? Er þá ekki næst í stöðunni hjá honum bara að leggja HAFRÓ niður? Er nokkur akkur í að halda svoleiðis batterýi úti ef ekkert á að taka mark á þeim?

[Þorkell Sigurjónsson, 27.2.2008 kl. 19:57]

Við megum til að vera bjartsýn og vongóð, að ekki sé verið að veiða síðustu loðnuna. Það virðist sem svo, að loðnan hagi sér ekki ósvipað og sandsílið gerir, sem haft hefur þau áhrif, að lundinn blessaður á í basli með sitt lífsviðurværi. Sem sagt áfram loðna og áfram ÍBV.

[Ragna (IP-tala skráð) 27.2.2008 kl. 20:22]

Er ekki bara loðnan búin að eta sandsílið af því að það er svo mikið af henni.Þýðir ekkert annað en vera léttur og baula

[Kristvin Guðmundsson, 27.2.2008 kl. 21:32]

Voðalega eru menn alltaf jafn taugaveiklaðir að halda það að það sé verið að veiða síðasta fiskinn í sjónum.  Náttúran sér um sig, hún hefur sannað það æ ofan í æ að ef henni misbýður þá tekur hún á þeim málum með einum eða öðrum hætti.

Ég er nokkuð viss um það að það sé ekki verið að veiða síðustu loðnuna.  En það er allt í lagi að vera vakandi yfir öllu.

[joi (IP-tala skráð) 27.2.2008 kl. 22:23]

Sammála, menn þurfa að fara varlega. Við gátum farið í loðnuna þegar síldin var svo gott sem kláruð. Síðan gátu menn farið í rækjuna þegar og upp úr því þegar  loðnubannið skall á.  kolmunnann var svo farið í þegar skipin voru farin að kosta milljarð og vantaði verkefni, rækjan var einskis virði.

Mér finnst þetta vera skref aftur á bak þegar menn beita einhverjum popularisma eins og ríkisstjórinn gerði í þetta skiptið. Það er verið að gefa HAFRÓ langt nef með þessum tillögum. Auðvitað er slæmt fyrir sjómenn að missa úr heilt eða hálft ár í veiðum eins og allt leit út fyrir. Menn verða samt að horfa aðeins lengra fram á veginn. Ef magnið sem er skilið eftir í hafinu þegar vertíð líkur er ekki nægjanlegt, þá gerist einfaldlega það sama og gerðist með síldina. Hún hættir að láta sjá sig. Liðu ekki einhver þrjátíu ár frá því við stútuðum stofninum þangað til síldin gekk með Noregsströndum og yfir hafið til íslands? Eru þessir loðnuskipstjórar tilbúnir að taka þá áhættu að bíða svo árum skiptir ef þessi staða kæmi upp? Það er alveg eins líklegt að slíkt gerist ef menn gá ekki að sér.

[Halldór (IP-tala skráð) 28.2.2008 kl. 11:21]

Hvernig má það vera að það sé verið að gefa Hafró langt nef með þessum tillögum því ég veit ekki betur en kvótinn hafi verið gefin út eftir að Hafró var búin að mæla stofnin upp á nýtt. Batnandi mönnum best að lifa, og þó svo Eyjamenn og aðrir hafi þrýst á EKG að auka við kvótann þá gerði hann það ekki fyrr en mælingin hafði farið fram. Hafró er ekkert Guðsvald í þessu og þar á bæ geta menn alveg klikkað á útreikningum.