Hljótt í firðinum?

Hef grun um að hljótt sé í höfuðstöðvum Fimleikafélags Hafnarfjarðar þessa studina en gleðin þeim mun meiri í nágrenni víð Árbæjarsafnið þar sem Ian David Jeffs og félagar renna brátt í hlað með stigin 3 sem í boði voru. Fylkismenn komnir með buxurnar á hælana og ekki búnir að skora í deildinni síðan að síðustu fermingarveislurnar voru haldnar í landinu á þessu ári - gyrtu sig vel í brók og tóku á honum stóra sínum og tóku stigin með sér upp úr blessaðri fimleikagryfjunni - Skólastjórinn úr Áslandsskóla notaði kennaraprikið sitt til hins ýtrasta í dag og lítið eftir af því að leik loknum. Það skilaði sínu en ég er ekki svo viss um að Hafnarfjarðarbær borgi nýtt prik handa skólastjóranum, því þessi sigur Árbæinga gæti orðið til þess að Íslandsmeistaratitillinn komi ekki heldur í Fjörðinn árið 2008 - það skyldi þó aldrei vera! En skólastjórinn náði að sýna gamla fimleikatakta á bekknum, flikk-flakk of allt, þó aldrei hafi hann þótt sérstaklega liðugur!

En ekki afskrifa neinn ungi maður,er oft sagt vð mig,  nóg er eftir af mótinu  sem fær mig til þess að senda baráttukveðjur upp á Skaga og vona að samsveitungar mínir af landsbyggðinni, þessir sem spila í gulu og svörtu treyjunum fari að dæmi Árbæinga og gyrði sig duglega í brók það sem eftir er af Íslandsmótinu því annars á þetta eftir að enda á versta veg er ég hræddur um.

Er 2008 ár Keflvíkinga? Hver veit .........allavega er víst að 2008 er ekki ár Sepp Blatter! 

Jóhann hetjan í sigri Fylkis á FH