Allir í háttinn kl. 8!!!!!

Nei ég segi svona - maður vill nú vera vel vaknaður þegar að boltanum kemur í fyrramálið og eitthvað segir mér að ég fari fyrr að sofa í kvöld en oft áður á laugardagskvöldum síðustu ár - vill koma vel úthvíldur til leiks, rétt eins og strákarnir, en álagið mun nú samt vera á þeim en ég mun senda jákvæða strauma yfir löng og höf til þeirra.   Mér finnst þessar tvær setnignar hér sem að ég tók úr þesari grein á mbl.is segja svo gríðarlega mikið, og þær í raun segja okkur hversu merkilegt þetta afrek peyjanna er - einstaklingsíþróttir eru óvart bara alls ekki það sama og hópíþróttir. 

Það hefur aldrei áður gerst í sögu Ólympíuleikanna að lið frá jafnfámennri þjóð komist í verðlaunasæti í flokkaíþrótt. Aldrei áður hefur lið frá ríki með færri en eina milljón íbúa spilað úrslitaleik í handknattleik, körfuknattleik, knattspyrnu, blaki, sundknattleik, hokkí eða hafnabolta á leikunum.

Já og hugsið ykkur að við erum líka sú smáþjóð sem næst því hefur komist að hreppa verðlaunapening í hópíþrótt á Ólympíuleikum með frábærum árangri handboltalandsliðsins 1992 í Barcelona.

Auðvitað eru nú flestir að rifna úr monti yfir þessum frábæra árangri, það vantar ekki - en sendum nú peyjunum jákvæða strauma næsta sólarhringinn.

Var aðeins að velta því fyrir mér í gær hvort sú skemmtilega staða gæti ekki komið upp fyrir leikana í London 2012 að kvennalandslið okkar í fótboltanum gæti komist á leikana,  sé okkur ekki ná því í karlafótbolta og kvennahandbolta eins og staðan er í dag, það yrði náttúrulega frábært.

Handboltinn hefur átt aðeins undir högg að sækja hérna á klakanum síðustu ár gaman verður að sjá hvort þessi frábæri árangur verði til þess að renna styrkari stoðum undir framtíð íþróttarinnar. Svo er náttúrulega að hefjast ákveðin endurnýjun á liðinu geri ég ráð fyrir og það verður gaman að sjá hvernig hún mun ganga.  ..........en það eina sem skiptir máli á þessari stundu er.... Áfram Ísland alltaf alls staðar  - koma svo

„Ég vil fá gullið og þjóðsönginn“