Kunna Frakkar að skammast sín?

Ég er nú ansi hræddur um að partur af því afhverju menn telja að franska liðið eigi ekki að vera á  meðal þáttakenda í úrslitakeppninni sé markið sem að Gallas skoraði fyrir þá í gær til að tryggja  farðseðilinn til Suður-Afríku. (geri ráð fyrir að skoðanakönnunin hafi verið sett upp í kjölfar leiksins)

Því má náttúrulega heldur ekki gleyma að Frakkar hafa verið nokkuð dekraðir af árangri síðastliðin ár  og þeir sjá sennilega ekki sama neistann í liðinu í dag og hefur verið oft áður.

En Frakkar eru komnir áfram og við getum bókað að liðinu muni ekki vanta stuðning næsta sumar, og kröfurnar verða ekki skyldar eftir heima fyrst menn verða á annað borð með.

Frakkar ósáttir við landslið sitt

Athugasemdir

[Andrés Kristjánsson, 19.11.2009 kl. 16:50]

Fyrir mér byrjaði svindlið þegar FIFA ákvað að setja liðin 8 í tvo hópa samkvæmt "styrkleika". En liðin höfðu öll náð öðru sæti í sínum riðlum og því ættu þau að hafa staðið jafnfætis.

Hendin var síðan gott dæmi um getuleysi til að láta knattspyrnuna sjálfa ráða því hverjir komast á HM. Þvílík vonbrigði.

[Gísli Foster Hjartarson, 19.11.2009 kl. 19:19]

Já Andrés get ekki verið annað en sammála þér um að það er sérstakt að flokka liðin þegar áfram er komið - en svona virkar þetta og svona virðast samböndin vilja virka líka - sjáðu hvernig KSÍ hagaði sér í mörg ár með bikarkeppnina lið úr efstu deild gátu ekki dregist saman í upphafi heldur bara á seinni stigum - grátleg vitleysa og trúðu mér tók þátt í að reyna að breyta þessu og þröngsýnin var ótrúleg - það átti alltaf að hygla þeim "stærri" eins lengi og mögulegt var - það var ekki endilega verið að hugsa um það sem að ég vil kalla útbreiðslu íþróttarinnar heldur bara um þá "stóru".