Grín!

Auðvitað hefði það verið góðlátlegt grín að ætla að draga umsóknina til bak - flokkurinn hefði gert í buxurnar með því að álykta svo. Skil ekki alveg hvaðan fólk kemur með þá umræðu. Klárum þetta og kjósum um þetta - einfallt og gott.  Hættum að velta okkur endalaust upp úr þessu og hugum að öðrum málum.

 

Felldu tillögu um að draga umsókn til baka

Hjakkað í sömu förunum!

Þá er það á hreinu það verður hjakkað í sömu hjólförunum áfram. N1 jeppadekkin örugglega mjög góð í það, og gott að vera vel tryggður hjá SJóvá ef maður missir stjórn á jeppanum!!! Til hamingju Bjarni Ben og meðreiðarsveinar. Flokkurinn greinilega ekki klár í uppgjör enn. Þannig er það bara og lítið um það að segja.

Bjarni sigraði

Sorglegt ...og það afar

Hverslags uppsetning á frétt er þetta eiginlega? Air Heiðar á þvílíku flugi í úrvalsdeildinni, með lélegu liði, og þá birta menn svona!!!! Níu hafa skorað meira bla bla bla. Finnst illa vegið að okkar mann þarna!!!

Níu hafa skorað meira en Heiðar

Air Heiðar!

Það er aldeilis flug á Heiðari Helgusyni. Frábært að sjá hvernig piltur er að standa sig og svo sannarlega gleðiefni fyrir okkur aðdáendur Íslendinganna á erlendri grundu. Held að hann hafi komið mörgum ansi mikið á óvart það sem af er mótinu. Aldurinn farinn að færast yfir en það virðist ekki hafa áhrif eins og staðan er - vonandi verður svo áfram. Gallinn er hins vegar sá að hann er búinn að afskrifa landsliðið, ekki ætla ég að láta mér detta í hug að það sé ástæðan fyrir léttleikanum og kraftinum - því hann hefur nú fylgrt honum lengur en bara síðustu 3 mánuði! 

Heiðar maður leiksins - Fékk mikið hrós

Bjarni er með þetta!

Það verður ekki af piltinum tekið að hann er með þetta.  Hann er búinn að læra það sem ætlast er til af honum. Það kemur allt í ljós hér:

Bjarni Benediktsson, formaður Sjálfstæðisflokksins, sagði á landsfundi flokksins í dag að vinstristjórnin væri að verða uppiskroppa með loforð til að svíkja. Þess vegna horfði þjóðin til Sjálfstæðisflokksins með von í brjósti.

....nákvæmlega! Það er að verða búið að svíkja öll loforðin og því er kominn tími á að aðrir taki við og haldi áfram þessum týpíska pólitíska spillingarleik og haldi áfram að svíkja loforðin sem kjósendum eru gefin. Einfallt - já - en svona er þetta og Bjarni er búinn að gera sér grein fyrir því - skarpur strákurinn.

Hvort það tryggir honum sigur á morgun veit ég ekki en það gæti gert það. Í fylgisliði hans er fullt af fólki innarlega í flokknum sem veit fátt skemmtilegra en að svíkja og moka undir sig og sína - kannski að það dugi og ásýnd flokksins verði eins. ......veit ekki með ykkur en ég held að hann yrði ansi sár að tapa í slag fyrir konu - svo mikið er víst - en það á við um fleiri flokksmenn en hann!

Verður forvitnilegt að sjá hvernig kosningin fer á morgun.

Þjóðin horfir til Sjálfstæðisflokksins

Davíð á tánum!

Þessi aldni höfðingi steig í pontu og fór með gamanmál, eins og honum einum er lagið. Málið er bara að það eru einmitt svona gamanmál frá honum og ýmsum öðrum sem hinn almenni borgari er kominn með nóg af. Það er að segja ða sífellt er verið að gera lítið úr náunganum og benda á að hann sé ómögulegur og ég veit ekki hvað. Menn kasta hinu og þessu á andstæðingana - án þess að koma með lausnir í þeim málum sem þeir helst gagnrýna - það virðist vera aukaatriði. Menn gleyma oft að líta í eigin barm. Það getur verið ágætt að efast á stundum um eigið ágæti.

En víst er að en eru til aðilar sem hafa gaman af gamanmálum Davíðs en þeim aðilum hefur farið ört fækkandi. Það sem að manni fannst á stundum vera hans spari hlið lítur á stundum núna út eins og hroki - og er það miður. 

Þrennt bjargaði Íslendingum

Er búið að hringja í þá hjá Man City?

Það er ótrúlegt að sjá muninn á því rekstrarumhverfi sem liðin í Þyskalandi búa við og svo snillingarnir í Englandi. Væri gaman að sjá samanburð félagslið fyrir félagslið.

Lifi Bundesligan

Hagnaður hjá FC Bayern 19. árið í röð

Aumingjar á hverju strái?

Hvað gengur eiginlega orðið á í þessum 120 þúsund manna bæ sem kallast höfuðstaður Íslands? Það líður vart sá dagur að ekki sé eitthvert fjörið í gangi fyrir lögregluna. Þetta er orðið með ólíkindum. Hafa menn borið þetta saman við bæi af sömu stærðargráðu annars staðar á jarðskorpunni? Þetta er líka allt orðið eitthvað svo hömlulaust þetta fjör.  Vona að okkar ágæta lögreglulið uppræti þetta allt sem fyrst, eins og þeirra er von og vísa. Vil ekki eiga það á hættu að vera skotinn þegar ég kem þarna eftir 2 vikur!!!!

Datt nú fyrst í hug að menn væru þarna að taka upp mynd svona án þess að láta vita af því en svo virðist ekki vera.

Ætli þetta verði næst?

Var fastur í umferðarteppu á Sæbrautinni þegar maður bankaði á rúðuna hjá mér. "Hvað er í gangi," spurði ég.
"Hryðuverkamenn eru búnir að ráðast inn í Alþingi og halda öllum þingmönnum þar gíslingu," sagði maðurinn. "Ef þeir fá ekki 100 milljónir fyrir klukkan 8 munu þeir hella bensíni yfir alla og kveikja í. Við erum þess vegna að banka hérna á og safna framlögum."
"Og hvað eru menn að gefa í þetta ?" spurði ég.
"Sirka 10 lítra"

 

Handtökur vegna skotárásar

Það er eins og við höfum alltaf sagt!

Það vilji allir koma til Íslands. Emirates og Quantas líka á leiðinni. Beint flug til Dubai og Sydney!!!  Nei ég segi svona. Jújú víst er aukið framboð af hinu góða en ég tel víst að eitthvað verði undan að láta. Spurningin er svo verða það islensku flugfélögin eða hætta þessi erlendu að fljúga hingað? Hverjir verða á ferðinni allt árið og hverjir ekki?

Norwegian hefur áætlunarflug til Íslands

Eftir Kastljósið........

...hefði nú Gunnar Þ. Andersen átt að víkja sæti 1, 2 og 3. Allavega þangað til hann hefði getað svarað fyrir sig og sýnt með því að þetta væru rangar ásakanir sem bornar voru á hann með óyggjandi hætti. Er ekki að grínast en mér fannst Sigmars flengja hann fram og til baka í fréttinni - verður ekkert grín að sverja þetta af sér svo fólki trúi Gunnari frekar en fréttinni.  .......það er greinilega allt í tómu tjóni í þessu samfélagi og ekki eins og við séum farin að sjá í bortnin á grunnu lauginni hvað þá þeirri djúpu!!!

Stjórn FME skoðar mál Gunnars

Sorglegt sukk?

Enski boltinn löngu horfinn út í buskann. Þetta eigenda vesen á ensku liðunum skekkir myndina svo svakalega að það hálfa væri miklu meira en miklu meira en nóg. Svo langt frá upprunanum er við komin. Þessi skakka mynd sem kominn er á rekstur liðanna er í raun orðinn þannig að maður hefur ekki eins gaman af þessu og áður. Þetta er orðið svona sömu liðin ár eftir ár, ja nema að upp komi hlutir eins og gerðist með Man City - moldríkir skrattakollar taka völdin. Svo þegar skuldirnar ná tökum og menn sjá ekki fram á að ná að greiða skuldirnar þá breyta menn þessu í hlutafé og reyna þannig að halda sjó.

Þó svo að það gleðji mann að vissu leyti að Man City er komið þarna - nýtt kjöt á grillteininum - þá er þetta peningasukk ekki mér að skapi. En þér?

Gífurlegt tap hjá Manchester City

Heimsins stærsta .........

.....vasaklútasafn hlýtur að vera í eigu Sir Alex Ferguson. Eins og ég hef nú gaman af að hlusta á hann þá...............

Ferguson ósáttur við ummæli Poyets

Tölu eða tölvuleikir?

þarna segir:

Tækni & vísindi | mbl.is | 18.11.2011 | 11:57

Tengsl á milli töluleikjanotkunar og fíknar

Reuters

Rannsóknir benda til þess að mikil notkun á tölvuleikjum geti haft hliðstæð breytingaráhrif á heilann og til að mynda spilafíkn. Umrædd rannsókn var framkvæmd af evrópskum vísindamönnum sem rannsökuðu samtals 154 börn á fjórtánda aldursári.

Börnunum var skipt niður í tvo hópa eftir því hversu mikið þau höfðu skipað töluleiki. Í öðrum hópnum voru 24 stúlkur og 52 drengir sem spiluðu tölvuleiki a.m.k. í níu klukkustundir á viku. Í hinum hópnum voru 58 stúlkur og 20 drengir sem spiluðu tölvuleiki sjaldnar en það.

Niðurstöðurnar þykja benda til þess að tölvuleikjanotkunin hefði breytingaráhrif á heila þeirra sem spiluðu tölvuleiki oftar með því að örva svæði í heilum þeirra sem tengist hegðunarmynstri og tilfinningum.

Þá kom í ljós að heilar þeirra brugðust með hliðstæðum hætti við og t.a.m. hjá fjárhættuspilurum þegar leikur var settur á svið og þeim síðan tilkynnt að þeir hefðu tapað.

Niðurstöðurnar voru þó birtar með þeim fyrirvara að ekki væri endanlega ljóst hvort tölvuleikjanotkunin hefði þessi áhrif á heilann eða hvort notkunin væri afleiðing þess að heili fólks væri með þessum hætti.

Frekari rannsókna væri þörf í þeim efnum að mati vísindamannanna en rannsóknin nú hefði engu að síður sýnt fram á að tengsl væru þarna á milli.

Bandaríska dagblaðið Los Angeles Times greinir frá þessu.

----hvort ætli menn vilji hafa þetta tölu eða tölvuleikjanotkun?og þýðingin í miðri grein er líka snilld.

 

Tengsl á milli tölvuleikjanotkunar og fíknar