Eitt að vera orðaður við.....

...annað að spila fyrir.

Það verður nú gaman að fylgjast með því hvort þetta er eitthvað meira en bara orðrómur. Yrði nú gaman að sjá ef menn myndu leggja fram tilboð í kappann. En á því er nú væntanlega nokkur bið og í fótboltaheiminum breytast nú hlutirnir ansi fljótt.

Gylfi Þór orðaður við Inter

Sérstakt eða skondið?

Auðvitað er þetta ekki gott mál. VSV er mitt fyrirtæki. En skondið að menn skuli tala svona og horfa til stjórnvalda því á sama tíma og þessi ummæli eru gefin út fljúgja um Vestmannaeyjabæ sögur um að VSV sé að bjóða himinháa upphæð í smáhlut í útgerð hér í bæ - Það skyldi þó ekki vera að það tilboð sé líka háð því hvað gerist í fiskveiðistjórnunarmálum ríkistjórnarinnar.   .....vona bara að þau skref sem stigin verða verði til þess að hlutur minn í VSV verði meira virði.

Milljarða framkvæmdum frestað

Vel valið

Ég held að þarna hafi Keflvíkingar gert góða hluti. Efnilegur þjálfari Zoran. Þekkir innviði félagsins og veit hvað er að koma í gegnum unglingastarfið. Ætti því að vera vel í stakk búinn til að taka þau skref sem brátt þarf að taka við að hleypa nýju blóði í æðar Keflavíkurliðsins. En það er ekki nóg að ráða góðan þjálfara aðrir hlutir þarna í kring þurfa líka að vera í lagi. Eins og skipun annarra er næst liðinu standa. Þar held ég að áframhaldandi starf Gunnars Oddssonar geti verið mikilvægur hlekkur þó svo að ég sé nú ekki öllum hnútum kunnugur þarna þá held ég að hann sé með hjarta og hug á réttum stað.

Svo verð ég nú að koma því að að ég tel að það verði að telja Zoran Daníel það til tekna að hafa leikið með ÍBV  

Zoran Daníel ráðinn þjálfari Keflavíkur

"Celeb" réttarhöld?

Veit ekki hvað öðrum finnst en mér finnst þetta vera að breytast í svona réttarhöld "American style" (ekki matsölustaðurinn þó). Jújú víst er það gjörsamlega út úr kú ef kappinn hefur fest svona búnað í bílinn til að geta haft "auga" með konunni. Það er hryllilegt innbrot í einkalíf persónu. Hvort sem hún hefur ekkert að fela eða ekki. Eða var það hann sumt þurfti að fela! Lýsir fyrir mér frekar svona sjúkum hugsunarhætti. En veit samt ekki hvort að svona skref fyrir skref umfjöllun um málið eins og við erum að sjá þessa stundina geri einhverjum gott? En svo getur líka vel verið að ég sé einn um þessa skoðun.

Engin staðfesting á njósnum

Ekki skynsemi?

Er ekki betra að tala um að menn þarna séu skynsamir í innkaupum. Menn eru ekki endilega að spara. Finnst ekki rétt að segja að fólk séð að spara, fólk er bara ekki að bruðla með peningana sína, sem er náttúrulega bara hið besta mál.

Bretar spara í matarkaupum

Hvað vita þau?

Hvað þykjast blaðamennirnir vita um þetta? Hvernig eru þau fær um að dæma hvort líf hennar sé í hættu eða ekki? Þó einhver maður eða kona á skrifstofu hjá FBI eða einhversstaðar telji ekki hættu á ferðum þá er það nú ekki trygging fyrir neinu.

Lífi Önnu ekki stefnt í hættu

Skiptir það einhverju máli?

Jújú víst hefur Gerrard í gegnum tíðina þótt sprækur knattspyrnumaður. Í raun og veru er hann það. Ég er hins vegar efins um að hann sé kominn í það form að hann muni skipta sköpum í leik gegn liði eins og Manchester United. Held að enn séu nokkrar vikur í að kappinn verði eins skæður og hann hefur oft verið í gegnum tíðina.  ...En hann verður mikill fengur fyrir Liverpool liðið ef hann verður heil út leiktíðina - það vitum við öll.

Gerrard tilbúinn að byrja gegn United

Þrætuepli þjóðar!

Skattar, niðurskurður, ESB aðild eða ekki, Heilbrigðiskerfið og ég veit ekki hvað. Ekkert af þessu virðist orðið fá viðlíka umfjöllun og Landeyjahöfn á skjánum hjá mbl.is. Alveg magnað hjá miðlinum að vera með að því er virðist allavega einn starfsmann sem er bara í því að afla alls kyns frétta af því sem gengur á og gerist í sambandi við höfnina.

Þetta er oft á tíðum orðið alveg yfirgengilegt ef að þið spyjrið mig.

Ölduorkan minnst þar sem Landeyjahöfn er

Ég heppinn.....

....mitt er alltaf á sínum stað!!!! Fagurt eða ekki ja það er ekki mitt að dæma um það.

Jessica Alba setur upp andlitið á 5 mínútum

Sumir eru heppnari en aðrir

...það verða ég að segja að þarna gerði Fimleikafélag Hafnarfjarðar góðan hlut. Ekki amalegt að ráða þennan pjakk sem aðstoðarmann hjá Heimi Guðjóns. Guðlaugur kominn með fína meistaraflokksreynslu. Þekki líka hverja þúfu og hvern hól í Krikanum og því bara fengur af pilti. Hvort það dugar til að landa titli læt ég ósagt!!!

Guðlaugur ráðinn aðstoðarþjálfari FH

Magnaður árangur samt

Langar nú bara að óska Karen til hamingju með að hafa komist þetta langt. Stórkostlegur árangur - ekki gleyma ða þetta er í fyrsta sinn sem hún keppir í Ironman, en ég er viss um að þetta er ekki það síðasta. Reynslan er dýrmæt og mun koma henni til góða næst. Ég veit að hana langaði að klára, við vitum það öll, en því miður gekk það ekki eftir að þessu sinni.

Þegar maður hugsar hvað hún var búin að afreka þegar hún játaði sig sigraða þá svitnar maður bar hérna við tölvuna.

Til hamingju Karen Axelsdóttir.

Karen varð að hætta keppni

17 ára liðið en á flugi

Frábær árangur hjá stúlkunum. Það virðist vera nóg af efnilegums telpum að koma í gegnum unglingastarf liðanna. Þær komust í undanúrslit í sumar. Nú er komið nýtt lið og þær eiga góðan séns á að vinna sinn riðil - ekki amalegt. Flott auglýsing fyrir íslenskan fótbolta og unglingastarf íslensku liðanna.

Til hamingju stelpur -já og þið er að þessu komið, Láki og co.

Öruggur sigur hjá stelpunum

...koma svo

Það verður gaman að sjá hvernig henni Karen kemur til með að ganga í þessari keppni. Henni hefur hingað til gengið allt í haginn í þeim keppnum sem hún hefur tekið sér fyrir hendur og ég vona svo innilega að sú verði einnig raunin í nótt. Reikna með henni á topp 15, sem yrði að mínu mati sérdeilis glæsilegur árangur í þessari hörðu keppni sem Ironman svo sannarlega er.    .......koma svoooooo

Karen keppir í Ironman