Ólafur kveður og setur upp pressu!!!

Langar að þakka Ólafi fyrir hans innlegg í baráttunni við að gera hér þokkalegt landslið í tuðrusparki. Hann verður ekki sakaður um allt sem miður hefur farið. Við verðum nú líka að skoða leikmannahópinn sem við höfum haft - gæði þeirra leikmanna og hæfileika samanborið við hvað aðrar þjóðir hafa. Við erum örþjóð í tuðrusparkinu - þó við höfum getað rifið kjaft öðru hvoru.

Skemmtilegt að heyra að Óli kveður með því að segja að innan tveggja ára þá eigum við að vera komin í baráttuna um sæti á lokamóti. Það verður gaman að sjá hvað gerist í þeim málum en við erum einmitt í tiltölulega "þægilegum" riðli fyrir næsta HM. Norðmenn, Slóvenar, Svisslendingar, Albanir og Kýpur búar verða andstæðingar okkar. Allt lið sem ekki hafa haft mikinn byr í seglum síðustu ár. ........svo er nú Óli kannski bara að reyna að koma upp pressu á næsta stjóra - en maður reiknar ekki með miklu, þó ýmsir geri alltaf miklar kröfur til landsliðsins.

Hef átt fjögur frábær ár

Eitthvað sem búið er að ræða lengi

......bara ekki á síðum fjölmiðla. Blessuð ferjan er náttúruelga komin til ára sinna og um svona gripi sem sinna farþega flutningum gilda náttúrulega strangar reglur.  Það skemmdi náttúruelga mikið fyrir okkur Eyjamönnum hér á sínum tíma þegar fólk eyddi gríðarlegri orku og nokkrum árum í að heimta að lagt yrði til frekari atlögu við jarðgöng á milli lands og Eyja. Á meðan var allt stopp því "fyrirmyndarsamfélagið" Vestmannaeyjar var út og suður í hvað það vildi, eins og virðist vera orðin lenska hér.  Það er komin nokkur ár síðan augljóst var að menn áttu að vera byrjaðir að huga að nýju skipi hvort sem menn ætluðu að sér smíða það eða kaupa notað - en menn börðu bara hausnum í steininn og ekkert var að frétta. En kannski að Eyjólfur sé að fara að hressast!!!

En það er samt erfitt að ákveða sig með nýtt skip þegar ekki er á hreinu hvert skal siglt.

Ekki heimilt að nota Herjólf sem ferju eftir fjögur ár

Heimir Hallgríms til Grindavíkur?

Fékk hringingu rétt áðan og var spurður hvort að Heimir Hallgrímsværi á leið til Grindavíkur? Hvernig á ég að vita það. Er hann ekki enn erlendis í fríi? EN ég veit að Grindvíkingar yrðu ekki sviknir af því að fá hann til starfa. Það er nú Eyjamaður formaður knattspyrnudeildar þannig að kannski að þetta bara sé rétt. En tíminn mun leiða það í ljós.

Ólafur Örn hættur sem þjálfari Grindavíkur

Þetta verður partý!!

Það verður gaman að sjá hvernig þetta kemur til með að ganga. Mikið af stjörnum á svæðinu og hver snilldarkeppandinn á fætur öðrum. Reikna með að minn maður Smári Harðar verði á meðal keppenda þannig að aðrir þurfa að gera sig klára í slaginn hið fyrsta.

Yrði ekki amalegt að geta tekið helgina frá fyrir svona partý.

Fyrst er þó 5 x5 CrossFit í Eyjum aðra helgi - það verður forvitnilegt enda mikið af flottum keppendum sem ætla að láta sjá sig.

Fitness-elítan væntanleg til landsins

Sviti og tár!

Bara að sjá myndina þarna að Skólaljóðum varð til þess að manni hlýnaði umhjartaræturnar. Guð hvað var oft gaman að læra ljóð. Fara svo með fyrir kennarann, já eða bekkinn í heild. Ekki var alltaf gaman að læra ljóðin en maður lét sig náttúrulega hafa það, eins og góðra nemenda var siður. Hvað maður man af þessu öllu er ég ekki viss um en ég hef orðið þess var að maður man glettilega mikið af þessu þegar maður leggur sig fram. Ljóðakennsla er bara hið besta mál og ég styð heilshugar að lögð sé áhersla á það og krakkar látnir læra þetta og fara með.

Auka skuli hlut ljóðakennslu

Í frjálsu falli!!

Erum við að tala um að U-21 árs liðið ætli að skella sér í frjálst fall rétt eins og verið hefur hjá A-liðinu í nokkurn tíma?  Vil ekki trúa því. En hvað veit maður. Hræddur um að það verði nokkrir Arsenal menn íkringum mann skælbrosandi á morgun af einskærri hamingju útaf markaskorara kvöldsins. Þrátt fyrir aulaskap markmannsins í síðasta markinu þá verður það að segjast að undirbúningurinn lét leikmenn okkar líta út eins og 6 flokks stráka.  ....Vonandi gengur peyjunum betur næst.

Öruggur sigur Englendinga í Laugardal

Helvíti hart!

Þykir þetta nú full gróft. Að maður þurfi að skella sér erlendis til þess eins að fá að njóta disksins sem fyrst!!! Hlakka annars til að heyra þess afurð óma í eyrunum á mér á röltinu í vinnuna eða ræktina um leið og hún er komin úr fyrir aðra en flugfélög!!!!

Biophilia í flugvélum Icelandair

Að drattast úr sporunum!

Það hefur náttúrulega að vissu leyti verið gæfa að ekki var lagst í smíði nýrrar ferju áður en siglingar hófust í Landeyjahöfn. Nú er komin reynsla á höfnina, menn geta svo rifist um hvort reynslan er góð eða slæm. En það er allavega ljóst að gamli Herjólfur virðist ekki henta nema í skamman tíma á ári, miðað við hvernig menn tala. Það er náttúrulega löngu kominn tími á nýja ferju og með þessa reynslu sem komin er þá er nú um að gera að fara að drattast úr sporunum varðandi smíði á nýrri ferju.

Verð nú að segja að eins og mér hefur sýnst þetta vera í sumar þá hafa menn bara verið hamingju samir með að þetta var opið. Menn unnu lítið sem ekkert í að dýpka höfnina og gera sig klára í veturinn.Það var bara eins og menn héldu að ekkert þyrfti að gera.Samt eru margar vikur frá því að maður heyrði að planið fyrir veturinn væri að sigla fyrstu ferð í Þorlákshöfn og sjá svo til með næstu ferð á hvorn staðinn yrði farið!!!! OK þetta er afstaða.  EN hvað eru menn að spá? Hvenær átti þetta að byrja? Menn sigldu í Landeyjahöfn fram yfir áramót á síðasta vetri - síðan kom leiðindatíð - Hver segir að svo verði aftur í vetur? Hvort það verður betra eða verra veit ég ekki, en finnst allavega að menn eigi að leggja örlítið meira á sig við að vera undir veturinn búin varðandi Landeyjahöfn og ég er þess full viss að með meiri vinnu í sumar hefði það verið hægt.

Er svo sammála Elliða við eigum að stefna á að fá skip svipað Baldri. Svo vel reyndist hann. Hið fyrsta, en ég vil þó ekki taka Baldur af því góða fólki sem við Breiðafjörðinn býr. Við fengum Baldur að láni og það vantaði ekki að Eyjamenn voru margir óánægðir með það og hristu hausinn yfir því. EN margur er knár þótt hann sé smár og Baldur og áhöfn hans leystu hlutverk sitt með miklum sóma. Af bæði skipi og áhöfn fara hér um bæinn, og vonandi sem víðast, góðar sögur. Nýtt skip gæti þurft að vera örlítið stærra og svo framvegis en ég treysti því að fagaðilar leysi það mál, ég er ekki maðurinn í að leysa það. 

Ný Vestmannaeyjaferja kostar um 4 milljarða króna

Álitlegur kostur

Verð að segja að mér hugnast það ágætlega ef að Keflvíkingar ætla að fá þessa 2 til að koma að þessu. Veit að þeir þekkja innviði félagsins vel. Það er í Keflavík eins og víðast hvar ekki til mikið af peningum til að leika sér með í einhverjum innkaupaleiðöngrum og því mikilvægt að fá slíka menn til starfa.   ....hvenær verður skrifað undir?

Zoran og Gunnar með Keflavík?

1, 2, 3 hættu.....

....að telja þetta er ég - segir í slagara Halla (á fjárlögum) og Ladda.

Jújú málið er alvarlegt, en held að fólk eigi að þakka fyrir að ekki var búið að hleypa af. Það kannski segir okkur að einhver hafi fengið "vitið" á síðustu stundu. Fyrir það ber að þakka -  ekki satt?

„Þingmenn slegnir“

Ekki bjuggust menn við öðru?

Trúi því ekki að nokkur Íslendingur hafi látið sér detta í hug að Japanir myndu leggja skutlinum, þ.e.a.s. hefðu menn lagt fram þá spurningu. Þessi risa fiskveiðiþjóð lætur ekki stöðva sig svo auðveldlega við að ná sér í þessar kræsingar.

Japanar halda áfram hvalveiðum

Þetta á nú við víða!!!

Bankarnir skili hagnaði til samfélagsins

Þetta á nú við um þá flesta blessaða!

Fólk vill geta greitt af lánum