Já nei takk

Ekki það að forseti vor sé arfaslakur. Held bara að það sé kominn tími á skipti menn eiga ekki að sitja of lengi í svona störfum. Mín afstaða er að ekki eigi að leyfa manni að sitja lengur en 3 kjörtímabil í þessu sæti og sá tími er löngu liðinn.

Styrmir: Forsetinn hyggur á endurkjör

Nánast gefins

Það verð ég að segja að þetta eru nú ekki háar tölur sem þarna umræðir. Þegar menn eru búnir að fjórfalda þessa tölu á innan við 3 árum í viðbót hlusta ég á eitthvert gaul varðandi þessa frábæru samgöngubót okkar Eyjamanna. Jújú vist hefur þetta ekki gengið hnökralaust en hver sagði að þetta myndi ganga eins og í sögu - sennilega enginn. Menn vissu að það gæti gengið á ýmsu.

Kannski verður veturinn í vetur betri en síðasti kannski verri aðeins tíminn mun leiða það í ljós því hef ég ekki skilið alveg þessa umræðu um að loka bara höfninni eftir dagatali. Það var nú opið þarna inn á nýár en þá syrti í álinn.

Hef fulla trú á að þetta batni bara héðan í frá. Menn hljóta að fara að huga að nýju skipi. Menn hafa núna Baldur sem hefur aldeilis gert góða hluti, það sem af er. Kannski er framtíðarskipið sem við þurfum eitthvað mitt á milli Baldurs og Herjólfs. Menn allavega komnir með reynslu af báðum þessum skipum núna.´

Veit ekki við erum jaðarbyggð, Vestmannaeyjar, kannski væri þetta allt orðið klappað og klárt og enginn að kvarta ef við hefðum styrkjakerfi ESB!!!!!

Kostnaður orðinn 3,5 milljarðar

Össur hefur hamarinn á loft......

....en hittir hann naglann?   Í þessu tilfelli held ég að svo sé. Skil nefnilega sjálfur ekki þessa hræðslu við að fá samninginn í dóm til kjósenda og eins og ég sagði á fundi um daginn að þá hefur mér fundist síðustu misseri sífellt fleiri vilja klára málið og fá að greiða atkvæði um það sem mun liggja á borðinu.

Annað sem mér finnst athyglisvert að nánast öll umfjöllun um aðildarviðræðurnar við ESB snýst um landbúnað og sjávarútveg, veit vel að það er mikilvægt en er það allt?

Össur: Andstæðingar ESB hræddir

Loksins lak það út......

....búið að liggja fyrir í nokkurn tíma að Heimir ætlaði sér að taka sér hvíld að loknu þessu tímabili. Maður er eiginlega mest hissa að það skuli ekki hafa verið komið á flug fyrr. Personulega fannst mér Heimir eiga að taka eitt ár í viðbót með liðið. Það eru ákveðin skipti í gangi í liðinu og ég hefði viljað sjá hann fara með þau í gegn en svo verður ekki.  Mótið er nú ekki búið og við en í fínum málum og því engin ástæða til að kveðja tannlækninn strax. Vona að maður þurfi ekki að fara að finna sér nýjan slíkan!

Það að ráða Magga Gylfa varð semsagt ofan á. ÍBV er liðið sem kom Magga á þjálfara kortið og hann hefur haft hingað ákveðnar taugar síðan þá, þó svo að hann hafi hoppað frá borði til að taka við KR á sínum tíma - eitthvað sem ég fæ aldrei skilið. Hér í prentsmiðjunni gall við í morgun þegar þetta spurðist út, ætli hann komi þá ekki með kaffivélina sína með sér? Það eitt að Maggi ætlar að snúa aftur þýðir að hann verður að gera eitthvað í því að fá sér stærra Þjóðhátíðartjald, eins og rætt var um í Dalnum í ár. En ljóst  er, burtséð frá Þjóðhátíðartjaldinu, að Maggi tekur við fínu búi og þarf að viðhalda því.

Ég verð reyndar að segja að mér finnst þessi tilkynning um þjálfara vera gerð á réttan hátt það er mun betra að hafa klárað þetta og gert opinbert en að láta sparkheim velta sér upp úr þessu hægri vinstri og láta það jafnvel hafa áhrif á liðið. Menn hafa vitað nokkuð hvað var að gerast, þó ekki hafi það farið á flug. Nú fer það á flug en flugið verður ekki eins hátt og það er búið að koma í veg fyrir kjaftaganginn.

Heimir hættir og Magnús tekur við

Spenna alla leið.....

...þetta voru frábær úrslit fyrir mótið. Nú verður að hafa róandi á náttborðinu og öryggisbeltin spennt alla leið til loka - svei mér þá.

Mínir menn eiga ekki létt verk framundan þrátt fyrir að vera í efsta sætinu nú í kvöld. Stjarnan úti á fimmtudag, KR heima á sunnudag, FH úti helgina eftir það og svo Grindavík heima. 12 stig í boði og til að eiga séns á titlinum þarf lágmark 10 stig myndi ég halda.

Fyrsta tap KR í deildinni

Engin hætta!

Þetta var góður, nauðsynlegur og sanngjarn sigur á Þórsurum. Norðanmenn tóku reyndar forustuna með góðu marki en síðan voru það heimamenn sem réðu lögum og lofum í leiknum fyrir utan 2 bráðskemmtilegar sendingar sem splundruðu vörn Eyjamanna í seinni hálfleik. Rangstaða var reyndar dæmd í annað skiptið en í hitt þvælist félagi Garner fyrir Þórsaranum og ég er viss um að einhver dómari hefði tekið sig til þar og dæmt víti en svo var ekki í þessu tilfelli. Spear átti frábæran leik og sýndi hvers hann er megnugur. Gerði ekki bara þessi 2 mörk. Ætla ekkert út í einhverja sér sálma hér en þetta var góður sigur, og ekki verri í ljósi þess að Tryggvi GUðmunds og Finnur Ólafs voru í banni.

Stjarnan í Garðabænum á fimmtudaginn - verður gaman að sjá hvernig það mun ganga. 

Eyjamenn í efsta sætinu

Til hamingju Selfyssingar

Gaman að fá ykkur aftur upp. Vel að þessu komnir. Nú koma menn upp á öðrum forsendum en síðast. Þá var það í fyrsta skipti. Nú koma menn aftur reynslunni ríkari. Munu leggja meira á sig og berjast af en meiri krafti til að halda sæti sínu í deildinni. Ég hlakka til að sjá það.

Selfyssingar fagna úrvalsdeildarsætinu

Frábært framtak

Verð nú að hrósa þeim aðilum er stóðu að þessu hlaupi. Þessi hópur gerði klárlega gott mót og tókst þetta með miklum ágætum eftir því sem ég kemst næst. Það voru sjálfboðaliðar út um alla eyju sem tóku þátt í að gera þetta veglegra. Frábært hjá ykkur Maggi Braga og samstarfsfólk.  Sá sjálfur ekki nema brot af þessu. Var í undirbúningi fyrir árgangsmót og ýmsu stússi en sá þó upphafið og svo hlaupara hér og þar á ferðinni á sama tíma og ég.  ...vona að þetta verði að árvissum atburði. 

Kári og Berglind komu fyrst í mark

Til í slaginn sé þess óskað!

Sé fyrir því áhugi hjá þjóðinni þá er ég tilbúinn í slaginn. Á svo sem ekki von á gríðarlegum undirtektum en hver veit?

Forsetinn á allra vörum

Hvaða hana er verið að tala um?

Mikið er þetta afspyrnuslök fyrirsögn.

Veröld/Fólk | mbl | 10.9.2011 | 13:53

Upplestur á frétt

Kvíðalyf drógu líklega hana til dauða

Kvíðalyf drógu hana líklega til dauða

Allt að taka enda

Nú er að ganga í garð sá tími þar sem deildarkeppnunum fer að ljúka. Dollur fara á loft hér og þar um landið með tilheyrandi húllumhæi. Þetta tíma bil allavega í sögubækurnar fyrir það að Stjarnan tryggði sér sinn fyrsta titil í kvennaboltanum. Já og fyrsta stóra titilinn í fótboltanum yfir höfuð - stór dagur í Garðabænum þegar dollan fer á loft.

Fótboltinn í beinni - Útlitið dökkt hjá Leikni R.

Frábær kostur?

Steve Coppell er frábær þjálfari, bara það sem hann gerði hjá Brighton og Reading segir mér allt sem segja þarf. Hvort það hentar honum svo að vera landsliðsþjálfari er annað mál en hann hefur gott aðgengi að nokkrum íslenskum spilurum og það gæti hjálpað honum við að ná tökum á andrúmsloftinu og viðhorfi leikmanna almennt.

Besti erlendi kosturinn ef að þið spyrjið mig - ekki spurning.

Coppell er spenntur fyrir íslenska landsliðinu

....og bæjarstjórinn sagði af sér!

Þarna áttu sér líka stað undur og stórmerki þegar bæjarstjórinn sagði af sér þegar viðunandi árangur náðist ekki í rekstrinum. Eitthvað sem sennilega er einsdæmi á Íslandi.

Skuldsettur Seyðisfjörður