Fara ekki brosandi frá Eyjum!

Það er ég smeykur um að piltarnir úr Mosó fari ekki brosandi frá Eyjum á þriðjudagskvöld. Hér verður tekið á móti þeim af hörku og það eins sem getur komið þeim í gegnum þann leik með sigur er að dómararnir verði í þeirra liði       .....koma svo - áfram ÍBV

Afturelding slapp fyrir horn

Mótið er langt Óli minn!

Einhvern veginn held ég að það skaði þó ekki Blika þó að þeir séu ekki alveg á táberginu í fyrsta leik. Hef trú á að þeir verði sterkir en hef einhvern veginn samt ekki trú á að þeir verji titilinn. Held að titilbaráttan verði á milli KR, FH og ÍBV. Blikar og Valsmenn verða svo þau lið sem verða líklegust til að taka þátt með þeim.

Ólafur: Ekki víst að 14 dagar séu nóg

Frábært!!

Gleðst nú svo sem alveg yfir þessu. Gaman að sjá að í ár verða í úrslitum lið sem ekki hafa verið að sanka að sér dollum í gegnum árin. Ef að það er eitthvað sem að enski boltinn þarf þá er það að fólk fari að sjá fleiri lið landa dollum en gerst hefur síðustu ár. Það virðist vera að rofa til í þessu. Birmingham tók deildarbikarinn. Man. City, Stoke eða Bolton taka FA Cup - get ekki annað en glaðst yfir því sem svona hlutlaus fylgjandi enska tuðrusparksins.

Annars finnst mér áhugavert að fylgjast með því sem er að gerast í Evrópukeppnunum. Af 8 síðustu liðunum í Evrópukeppni félagsliða og Meistaradeildinni eru 6 lið af Íberíuskaganum. Þrjú frá Spáni og 3 frá Portúgal - nokkuð athyglisvert ekki satt?

Manchester City í bikarúrslitin

Já sæll!!

Mikill meistari þarna á ferð sem svo sannarlega væri þess virði að sjá. ...þetta er eithvað sem að gæti kostað það að maður þarf að fara þrisvar upp á land á þessu ári!!!!  Skelli þessu með úr frábærum sjónarpsþætti Elvis Costello:

Elvis Costello með tónleika í haust

Vasaklúta í Árbæinn!!!!

Ekkert svona, þetta reddast. Hafa menn ekki séð hvernig vellirnir eru víða um heim á ákveðnum tímum. Völlurinn verður klár Hann verður kannski ekki í topp standi en hann verður alveg leikfær það er ég viss um. ....koma svo!  þetta er alveg að bresta á.

„Ef ekki fer að hlýna líst mér ekkert á“

Frábært framtak

Það verð ég að segja að þetta finnst mér frábært framtak hjá þeim Ólafi og Guðnýju. Hamra járnið á meðan það er heitt. Áhuginn á gosinu er gríðarlega mikill. Er ekki í nokkrum vafa um að þetta verður virkilega vel sótt og jafnvel mun betur sótt heldur en þau eru að gera sér vonir um. Hlakka til að skoða þetta þegar ég á leið þarna um, og næla mér kannski í eins og einn eða tvo minjagripi.

Á meðan situr maður í nefnd á vegum Vestmannaeyjabæjar um Eldheima - Pompeii norðursins - það uppgraftarævintýri sem er svo sannarlega áhugavert verkefni. Því miður sýnist mér fólki vera að takast að jarða þetta verkefni. Ekkert hefur verið fundað í nefndinni í 1 ár. Ekki var lyft skóflu þarna í fyrra. Ekkert heldur það sem af er þessu ári. Menn bara í lausu lofti. Samt komu þúsundir að skoða þetta í fyrra. Orðspor verkefnisins orðið verkefninu sjálfu miklu fremra. Því miður. Menn virðast ætla að grafa yfir verkefnið miðað við kraftinn í því. Hvað veldur veit ég ekki. Enda bréfum mínum til samnefndarmanna ekki verið svarað formlega. Þrátt fyrir að hafa ítrekað fyrirspurnir. Þetta er að verða okkur til vansa. Best að segja sig frá þessu. Ég ætla því að segja mig frá þessu verkefni sem bæjarstjórinn fékk mig til að taka þátt í. Þið heyrðuð það fyrst hér. Ekki það að það sé merkilegt að ég segi mig frá þessu. Heldur frekar að það er ekkert að frétta af verkefninu.

Opna gestastofu á Þorvaldseyri

Síðasti móhíkaninn?

Ekki allir stjórar sem láta hafa þetta eftir sér þessum síðustu og verstu:

....... Við munum halda áfram að reka félagið eins og hingað til - eyða ekki umfram það sem við öflum, framleiða okkar eigin leikmenn og þróa okkar lið," 

Hvað ætli Harry Redknapp segi við þessu? 

Wenger: Ég ræð ferðinni

Kjaftæði!

Svæðisfélag Vinstri grænna á Vestfjörðum gerir sér klárlega ekki grein fyrir því að þeirra hlutverki er lokið í ferli Ásmundar Einars Daðasonar. Hlutverki þeirra lauk um leið og hann komst inn á þing. Það gæti svo sem el verið að hann hóaði í mannskapinn næst þegar kemur að kosningum. Þangað til er hann sinn eigin herra.  Kannski verður hann kominn í nýjan flokk þá - hver veit? Ég var nú samt hissa í dag þegar ég heyrði í félaga mínum að vestan sem sagði: Farið hefur fé betra!    - ég var samt ekki alveg að kaupa það því vissulega veikir brotthvarf hans meirihlutann, allavega í sumum málum miðað við orð hans sjálfs

Ásmundur Einar segi af sér

Óspillt grín

Þessi dómur er óspillt grín í boði Hæstaréttar.  Frábært líka að hvorki heyrist hósti né stuna núna frá liðinu sem hraunaði yfir Jóhönnu Sigurðardóttur um daginn - sem þó valdi þann aðila er var metinn hæfastur af  dómsnefnd til að taka að sér starfann. Svo reyndar komst jafnréttisnefnd að annarri niðurstöðu, eftir öðrum aðferðum. Árni Matt valdi aftur á móti þann sem var metinn í 3ja eða 4 flokk yfir hæfni umsækjenda, en Árna þóknaðist helst að ráða hann.

Svo les maður þetta:

Fimm dómarar dæmdu í málinu en tveir þeirra, Árni Kolbeinsson og Markús Sigurbjörnsson, skiluðu séráliti og töldu að sýkna ætti Árna og ríkið af kröfu um miskabætur. 

Maður veltir fyrir sér hvernig þeir fengu stöðu sína - það þykir ekki einu sinni undarlegt að maður geri það.

Bætur vegna embættisveitingar

Ekki eins miklar í pólitíkinni

Það verður að segjast eins og er að lífríki náttúrunnar er mun líflegra og endurnýjar sig margfalt hraðar en blessuð pólitíkin í þessu blessaða landi. Já og virðist gera það vel og án þess að allt verði vitlaust. Auðvitað koma þar breytingar sem valda usla um stundarsakir en svo er þetta yfirleitt búið og allir búnir að átta sig á sinni stöðu.  Kannski að pólitíkin geti horft í kringum sig og lært af því sem gerist í garðinum á bak við Alþingishúsið t.d.!

Miklar breytingar á lífríkinu

Góður sigur ....og merkilegir hlutir

Góður Sigur SUns á Spurs í síðasta leik vetrarins. Enduðum með hlutfallið 40-42. Grant Hill 38 ára lék í 80 leikjum í vetur - og var einn besti varnarmaður okkar. Marcim Gortat - pólska sleggjan - kom sennilega mest á óvart því það var ekkir eiknað með neinu sérstöku af honum þegar við fengum hannþ hann skoraði 21 stig og tók 13 fráköst og Channing Frye var með 17 stig og 9 fráköst. Nash var með 10 stoðsendingar. Hann var með flestar stoðseningar allra í NBA í vetur og er aðeins 3 leikmaðurinn til að vera með flestar stoðsendingar á 5 tímabilum eða fleirum, hinir eru John Stockton og Jason Kidd. Hann var með 11.4 að meðaltali í leik. Ekki nóg með það heldur er hann að af loknu þessu tímabili með bestu vítanýtingu allra leikmanna í sögu NBA, aðeins á undan Mark Price. Hlutfallið er .903933 en Price er með .903895. En Nash hefur rokkað fyrir ofan ogneðan hann í allan vetur - Magnaður spilari Nash. Hann á 1 ár eftir af samningnum við Suns og hefur ekki beðið um færslu nú í sumar þannig að vonandi verður hann bara mættur til leiks hjá okkur í haust.  - Go Suns

Chicago með besta vinningshlutfallið

Ég á ekki eitt einasta orð

Vá hvað þetta kemur lítið á óvart.  Er ekki frá því að þetta sé öllum fyrir bestu. Ætla ekki að segja neitt meira um þetta að sinni en maður veltir því fyrir sér hvort VG sé i raun stjórnamálaflokkur eða eitthvað allt annað. Kannski er þetta hópur fólks sem byggist upp á að vera bara alltaf á móti.  En kannski geta VG menn sagt: Farið hefur fé betra.  Þessi hópur fólks þarf ekki að hafa áhyggjur af því að maður greiði þeim atkvæði næst er kosið verður.

Segir sig úr þingflokknum

Ekki oft sem að........

....maður slekkur á Rás 2 um miðjan dag en það gerðist áðan - Eigið góða rest af degi gott fólk.  Ég bíð bara niðurstöðunnar í rólegheitum enda Sjónvarpsvísir í pípunum. Hann kemur út þó svo að einhver bölmóður sé í gangi á Alþingi.

Umræður um vantraust