Eðlilegt?

Auðvitað er það svo að margir eru svekktir yfir þessum  hremmingum sem herjað hafa á Landeyjahöfn og siglingar þaðan. Ég er reyndar einn af þeim sem ferðast sjaldan og hef því ekki gefið mér mikinn tíma í að svekkja mig á þessu, ja allavega ekki fram úr hófi! En mikið skil ég vel það fólk sem mikið er á ferðinni milli lands og Eyja að það skuli svekkja sig á þessu. Þetta hefur ekki gengið eins og við vonuðumst til - það vita allir. En auðvitað eiga að gilda strangar reglur um farþegaflutninga, hvort heldur er á svona hafsvæði eða annars staðar, en það táknar samt ekki að það eigi að vera eitthvert einkaleyfi endilega á þessum siglingum. Menn eiga bara að taka saman hvaða skilyrði þarf að uppfylla og svo geta menn reynt að keppast við að uppfylla þau. Alveg er ég viss um að t.d. Víking Tours og Ribsafari myndu skoða það vel hvort þau sæju sér fært að uppfylla þau skilyrði. Öryggi er lykilatriði held að við séum öll sammála um það.

Herjólfur og Sæfari mega sigla til Landeyja

Afar sérstakt!

Það verð ég að segja að mér finnst þetta afar sérstakt. Geta atvinnurekendur og aðrir forkólfar ekki unnt fólki því að taka sjálfstæða ákvörðun? Já eða nei - þetta verður hver og einn að finna hjá sjálfum sér, menn geta ekki þvingað svona fram. SA hafi verið að heimta hitt og þetta í kvótamálunum fyrir sína menn og svo þetta núna hvað verður næst? Jújú eflaust eru þessar kosningar mikilvægar, SA telur afar mikilvægt ef að þau eiga að ná spyrnu af botninum og í átt að betra lífi fyrir "alla" að þetta verði samþykkt, og sumir forkólfarnir taka sama pól í hæðina. En það á ekki að þvinga fólk til að taka svona ákvarðanir það getur sprungið í andlitið á manni svo mikið er víst.

Verkalýðsforkólfar, margir hverjir,  og atvinnurekendur mega ekki gleyma að það er ekki eins og þeir séu í fyrsta sæti hjá fólkinu í landinu, ekki frekar en pólitíkusarnir.

Gengur gegn lýðræðinu

En eitt tapið

Já þetta ætlar að enda verr en mann grunaði þetta tímabil svo mikið er víst. Hlutfallið komið í 37-40. Í nótt voru menn komnir 22 stigum undir en náðu að vinna sig aftur inn í leikinn og á síðustu 2 mínútunum var munurinn í fjórgang 2 stig og við með boltann en menn klúðruðu - ekki gott. Nash með 16 stoðsendingar, Vince Carter með 23 stig, hitti úr 9 af 22 skotum - hefði mátt gera betur. 5 leikmenn með 10 stig eða meira. Framundan eru þrír útileikir í viðbót gegn Minnesota, New Orleans og Dallas.

Langþráður sigur Utah Jazz í LA

Hverjum mæta Madrid og Schalke?

á er bara að velta sér upp úr því hverjum þessi lið mæta í undanúrslitum. Ég ætla að leyfa mér að segja að Madríd mæti Barca og Schalke mæti United. Árangur Schalke frábær í keppninni og ég er ekki einu sinni viss um að þó að þeir reyndu þá tækist þeim ekki að koma Inter áfram!!!!

Real Madrid og Schalke í góðum málum

Íþróttapólitík!!!

Það er greinilegt að þarna gengur eitthvað mikið á. Þó svo að Hreiðar Örn hafi sagt af sér þá held ég að það hljóti að vera að það þurfi að taka á einhverjum málum þarna. Einhverjar hljóta ástæðurnar að vera og ekki verða átök innan félags af ástæðu lausu. Vona að menn nái að leysa úr því sem leysa þarf - ekki er hægt að láta íþróttafélag hanga í lausu lofti. Félagið hlýtur alltaf að vera stærra en nokkrar persónur.

Vona að það ágæta fólk sem vill fyrir félagið starfa leysi þessi mál sín á milli og félagið hljóti ekki frekari skaða.

Nýkjörinn formaður sagði af sér

Ætlar Hlynur.....

....að skipta á íslenska titlinum og taka þann sænska í staðinn. Það yrði nú ekki amalegt. Það verður forvitnilegt að sjá hvað drekarnir frá Sundsvall gera. Skyldu þeir ná í úrslitaeinvígið, sé ekki af hverju það ætti ekki að gerast. Áfram Sundsvall Dragons

Hlynur og Jakob í undanúrslit

Glæsilegt - spenna alla leið

Er hægt að biðja um eitthvað meira? Það eru akkúrat svona einvígi sem gera þetta svo skemmtilegt. Ekki treysti ég mér til að spá hvort liðið hefur þetta þó svo sannarlega eigi líkurnar að vera með Frostaskjólspiltum þar sem þeir verða á heimavelli, það á að veita þeim meðbyr. EN það tryggir ekki neitt.  Svo er spurning hvort að svona einvígi hjálpar Stjörnumönnum eða ekki því það getur orðið spennufall í svona hléi - vona bara að þeir Stjörnupiltar séu ekki orðnir saddir og verði alveg dýrvitlausir í úrslitarimmunni. hef nefnilega þá trú að þeir geti skákað bæði KR og Keflavík ef út í það er farið. Vonandi verður það bara líka spenna alla leið.

Aftur vann Keflavík eftir framlengingu

Kæri Guðmundur Óskar

Þetta er þín keppni drengur!!! Er viss um að þú verðir okkur skerskeggjum til sóma og takir verðlaunasæti. Hlakka til að heyra þig takast á við þetta frábæra lag og það með íslenskum texta eins og vera ber í þessari keppni. Go for it!!!!

 

FÍV: Rok í Eyjum í 90% tilvika

Lasperance að takast hið ómögulega

Ég er ansi hræddur um að  D. S. Lesperance hafi tekist að framkalla nokkuð sem að ég hélt að ég myndi ekki upplifa. Honum tókst að standa fyrir máli sem að allir 4 viðmælendur Egils Helgasonar í Silfrinu voru sammála um þ.e.a.s. að ekki væri hægt að kaupa sér ríkisborgararétt á Íslandi.  Mér persónulega fannst þessir 4 einstaklingar þarna lýsa því viðhorfi sem að ég heyri hvar sem þetta mál ber á góma. Ég held, en er samt ekki viss um að Lesperance geri sér grein fyrir því, að menn eru að gelta upp við rangt tré.

Leita til Íslands vegna umhverfismála og andstöðu við stríð

King Zamora

Jæja karlinn klæddur og kominn á ról. Það er nú aldeilis styrkur fyrir Fulham að Zamora sé búinn að ná sér af meiðslunum. Þeirra langöflugasti framherji og einn af þeim betri sem eru með enskt vegabréf. Ég var nú að vona að Eiður fengi nokkra leiki með Bobby og myndi ná að leggja í eyður fyrir Bobby sem myndi svo setja hann!!! Kannski gerist það á lokasprettinum.

Fulham flaug uppí 10. sætið

Reading í fínum málum

Þetta var góður sigur hjá Brynjari Birni og Ívari á Hemma og félögum. EIns og þarna segir þá eru þeir komnir í umspilssæti og eiga leik til góða á Nottingham Forest sem deilir með þeim sæti. Já og markatala Reading er mun betri. En það eru en 7 og 8 leikir eftir hjá liðunum og því 21-24 stig í pottinum og því getur allt gerst og liðin allt niður í 15 sæti, Ipswich, gætu spýtt í lófana og skotist inn í úrlsitakeppnina.

Þarna fyrir neðan er svo staðan í deildinni hjá Huddersfield. En þar eru Brighton á miklu flugi en baraáttan þar er líka hörð og kannski er munurinn sá ða baráttan er mikil á toppi og botni í þeirri deild. EN Sheff. Utd , Preston og Scunthorpe eru byrjuð á eigin gröf í næst efstu deild.

 

1	QPR	38	37	76
2	Norwich	39	21	70
3	Cardiff	39	17	66
4	Swansea	39	16	66
5	Leeds	39	12	64
6	Reading	38	20	60
7	Nott'm Forest	39	10	60
8	Millwall	39	12	57
9	Burnley	38	6	57
10	Watford	39	12	56
11	Hull	39	3	56
12	Leicester	39	0	56
13	Portsmouth	39	0	54
14	Bristol City	39	-3	53
15	Ipswich	39	0	52
16	Barnsley	39	-12	47
17	Coventry	39	-7	45
18	Middlesbrough	38	-8	45
19	Derby	39	-8	44
20	Doncaster	39	-19	44
21	Crystal Palace	39	-21	42
22	Sheff Utd	38	-25	35
23	Preston	38	-22	34
24	Scunthorpe	39	-41	34

 

1	Brighton	39	42	84
2	Huddersfield	40	24	73
3	Southampton	37	35	68
4	Peterborough	39	24	67
5	MK Dons	40	6	65
6	Bournemouth	39	21	63
7	Rochdale	38	9	58
8	Leyton Orient	38	8	57
9	Brentford	39	-3	55
10	Exeter	40	-10	55
11	Colchester	40	-3	54
12	Charlton	39	-1	53
13	Carlisle	39	1	52
14	Hartlepool	40	-16	51
15	Oldham	40	-6	50
16	Sheff Wed	39	-5	47
17	Yeovil	39	-13	47
18	Tranmere	38	-10	43
19	Notts County	37	-9	42
20	Dag & Red	38	-11	41
21	Walsall	39	-16	40
22	Bristol R	39	-30	40
23	Swindon	40	-19	35
24	Plymouth	38	-18	33

 

Reading upp í umspilssæti

Gjörsamlega ónothæfur!!!

Get ekki annað en hlegið núna eftir þessi úrslit hjá Liverpool. Menn gjörsamlega búnir að taka Hodgson af lífi í haust og flest verstu orðin sem til eru í íslenskum , já og erlendum orðabókum, hafa verið notuið til að lýsa þjálfarahæfileikum hans og kunnáttu, svo ekki sé minnst á getu hans til að ná einhverju út úr leikmönnum.  Ætla ekki að segja að hann sé hreint frábær stjóri heldur held ég að stuðningsmenn Liverpool hljóti að fara að sjá og viðurkenna að það er eitthvað meira en lítið að í herbúðum liðsins og búið að vera í nokkurn tíma. Þetta fornfræga félag mun braggast í framtíðinni, hef enga trú á öðru, spurningin er bara hvenær!

Hefndarstund hjá Hodgson

Sigur án Nash

Ágætur sigur hjá Suns í nótt eftir 4 töp í röð og allir möguleikar um að komast í úrslitakeppnina komnir ofan í tösku. Menn byrjaðir að spá í næsta tímabili og Steve Nash setti á Facebbok hjá sér hvað stuðningsmönnum fyndist að menn ættu að gera. Frábært tímabil í fyrra og svo mikið högg þetta árið og mennlengstum verið undir 50%. Pólska sleggjan Gortat og Hakim Warrick með tvöfalda tvennu. Nýliðinn Zabian Dowdell með 14 stig og 5 stoðsendingar en gamla brýnið Grant Hill var stigahæstur með 19 stig. Næstu leikur er annað kvöld gegn San Antonio Spurs sem gengið hefur ill í síðustu leikjum, hef trú á að þarna rétt Spurs sinn hlut!!!!

Sjötta tap Spurs í röð