Bjargvættur í gær

Hann var aldeilis góður í gær drengurinn. Ekki nokkur spurning að hann hefur verið góður markvörður í nokkur ár þó hann hafi gert sínar gloríur, rétt eins og aðrir, þá hefur gagnrýnin stundum ekki alveg verið sanngjörn í hans garð. Það er kannski skiljanlegt ástundum þegar menn eru að vinna sig inn í svona sterkt lið sem hefur nú adeilis verið með frábæra markverði. Framtíðarmarkvörður hjá félaginu ef að þið spyrjið mig - en hvað veit ég?

De Gea: Hamingjusamur í Manchester

...það er ég líka

Ekki það að ég sé Arsenal maður en ég hef þá trú að þeir nái í meistaradeildarsæti. Ég hef bara einhvern elli trú á að Spurs haldi haus út mótið og finnst líklegt að Arsenal eigi eftir að bæta sig aðeins í seinni hluta mótsins. Er samt alveg til í að fara að sjá ný lið brjótast inn í meistaradeildina frá þessum stóru þjóðum. Leiðist orðið að horfa á sömu liðin þarna aftur og aftur.   ...geri mér samt ekki vonir um að Brighton verði þarna á næstunni

.....hlakka til að sjá United taka Real Madrid í kvöld 0-2

Walcott bjartsýnn á Meistaradeildarsæti

......hitnar í kolunum

Hlakka til að sjá hver framvinda þessa máls verður. Hef samt nokkrar spurningar, lögfræðiskilningurinn minn er ekki mikill og þess vegna skil ég ekki af hverju farið er í mál við kaupanda. Seljanda já ókei en kaupanda?

Svo eru náttúrulega ýmsir hlutir sem má velta upp.

Af hverju var ekki t.d. fyrst rætt við kaupandann, sem gaf í skyn ef ég man rétt að hann hefði hugmyndir um að reka þetta jafnvel frá Eyjum að einhverju leyti,  og hann boðinn velkominn til Eyja og að vonast eftir góðu samstarfi?  Var það kannski gert og hefur ekki en komið upp á yfirborðið?

Segjum sem svo að bærinn vinni málið. Hvað ætlar hann að gera við kvótann? Eiga hann og leigja út? Selja hann hæstbjóðanda? Finna á hann eitthvert verð og leyfa öllum sem stunda útgerð sem aðalstarf í bænum að kaupa einhvern hluta? Ef menn ætla að leiga hvernig ætla menn að stjórna því?

Veit að það er langt í niðurstöðu en finnst bara gaman að velta þessu upp því á þessu máli eru  margir flettir.

Höfða mál vegna Bergs-Hugins

.........snilldin ein

Þetta líkar mér að heyra. Nú er kominn góð viðbót við þann litla skammt sem settur var á í upphafi. Er ansi hræddur um að allir þeir sem að loðnuveiðum og vinnslu koma hafi fengið sér allavega eina aukabollu í dag til að fagna þessu. ....Frábært og nú er bara að gera sem mest verðmæti úr þessu öllu saman.

Loðnukvótinn aukinn um 120.000 tonn

....ekkert hungur!

Sérstakt að sjá lið eins og City með öll þessi gæði innanborðs vera stundum bara eins og flöskuskeyti í hafi, menn fylgja bara straumnum og berjast varla. Það er náttúrulega líka erfitt hjá liði þegar menn fara að þykjast vita betur en þjálfarinn og vilja jafnvel ekki spila það sem þjálfarinn setur upp. Þeir leikmenn eru einfaldlega ekki með hugarfarið í lagi. Við þá þarf að losna og ég trúi því að Mancini taki til og kveeiki neistann hjá sumum þessara leikmanna aftur - hinir mega svo bara fara.

Reiður Mancini gerir breytingar

...ekki einu sinni óvænt!

Þetta kemur nú svo sem ekkert á óvart. Strákurinn búinn að vera að standa sig vel og það er yfirleitt á svoleiðis stundum sem leikmen vekja eftirtekt og njóta góðs af því að hafa lagt sig alla fram.  .......kannski ekki alveg rétt hjá mér - menn vekja víst líka eftirtekt þegar þeir spila illa, en þá hefur bara enginn samband, ja nema óánægðir stuðningsmenn liðsins sem að maður spilar með!!!

Kári „heitasta“ söluvaran

...er svo mikill snillingur

Einn allra allra magnaðasti leikmaðurinn í sögu knattspyrnunnar. Ekki bara á Englandi heldur um alla heimsbyggðina karlinn hann Giggs. Ferill þessa drengs hefur verið með ólíkindum og það lítur á margan hátt út eins og einhver hafi verið að leika sér að sjóða saman tölulegar staðreyndir þegar maður rennir yfir feril hans. Ótrúlegur spilari. Ekki það ða ég sé United maður en Giggs hefur í mörg mörg ár verið s´aleikmaður sem ég hef haft hvað mestar mætur á í leikhúsi draumanna. Styttist náttúrulega í annan endann ferillinn hjá honum - ja nema að honum verði einfaldlega bannað að hætta    Hlakka til þegar þetta verður allt tekið saman þegar hann verður hættur, sýnist á öllu að United muni á þessu tímabili ná í allavega 2 titla - deild og bikar, sem er ekki amalega viðbót og svo er jú meira í boði.

Giggs: Einbeitingin var lykilatriðið

...ný von fyrir Ísland!!!

Gaman væri að sjá hver þessi nýja von fyrir Ísland er. Ekki eins og þetta pólitíska lið hafi hingað til gert góða hluti fyrir blessað landið. Því þarf kannski ekki mikið til að láta þetta lið gleðjast. Til marks um frábæran árangur Framsóknarflokksins hingað til, sem og annarra flokka, að þá sagði mér maður um daginn að ef rýrnun þjóðarinnar hefði verið í einhverju samræmi við rýrnun krónunnar frá því að hún var tekin upp að þá væru Íslendingar núna 17 talsins - já þetta lið má berja sér á brjóst í dag, á morgun og alla næstu viku mín vegna en í Guðanna bænum þá bið þetta fólk að vera ekki að missa sig í að tala um að framsókn Íslands sé að byrja á ný því framsóknin hefur aldrei verið nein - ja nema hjá þeim sem búa í skýjaborgum - svo einfalt er það.

„Framsókn Íslands að hefjast á ný“

...örugglega ekki sér sænskt

er viss um að t.d. konur hér innanlands hafa fengið að heyra ýmislegt og oft sér maður komment í þessa áttina þó þau séu ekki send á viðkomandi aðila. Það er ýmislegt látið fljóta með í umræðunni oft á tíðum, oft eitthvað sem er alveg út úr kú og viðkomandi aðilum ekki til framdráttar.    ........maður hefur nú látið hafa ýmislegt eftir sér en maður reynir að vanda sig og ganga ekki yfir strikið.

Geturðu ekki bara drepist?

...spurning hvort bara annar aðilinn hafi verið fatlaður!!!

Kannski eðlilegt að velta því fyrir sér hvort við komandi karlmaður er ekki eitthvað fatlaður eða heftur í kollinum fyrst að hann hagaði sér svona. - Skömm að heyra af svona meðferð á nokkrum einstakling.

Réðst á fatlaðan unglingspilt

..hörmungar ástand - döpur afstaða

Já það hefur nú verið í umræðunni ansi lengi hér í Eyjum að neysla sé þó nokkur. Oft hefur manni verið bent á í umræðunni að hún sé nú meiri en mig gamla karlinn gruni - og eflaust er það rétt.  Klárlega kominn tími á að bretta upp ermar og sjá hvort ekki er hægt að sporna gegn þessu á einn eða annan hátt.

Íþróttafélögin, Framhaldsskólinn, Barnaskólinn og aðrir eiga náttúrulega að láta kanna þetta hjá sér.  Það á nú ekki einu sinni að þurfa að láta svona hluti gerast til þess að fólk sé á tánum. En því miður virðist oft þurfa eitthvað svona svo að mannskapurinn vakni til lífsins.

 Er í grunninn sammála Elliða en verð samt að viðurkenna að mér þykir ekki rétt hjá bæjarstjóra að reyna að gera minna úr ástandinu með því að segja að vandinn sé síst verri hér en annarsstaðar - til hvers er hann að viðra skoðun sína á því? Er ekki nóg að einbeita sér bara að því sem er í gangi hér innanbæjar án þess að vera að reyna að gera þetta þannig að við séum ekkert verri en aðrir - það er bara algjört aukaatriði. Engin ástæða til þess að vera að reyna að láta garðinn hjá öðrum líta illa út þó að það sé greinilega drasl í okkar garði. Er ekki rétt að taka fyrst til við eigið hús og einbeita sér bara að því?

 

Segir að fólki sé nóg boðið í Eyjum

...á leið í ÍBV

Það skyldi þó ekki vera að þessi uppsögn á samningi Guðjóns Péturs leiði til þess að hann gangi til liðs við Eyjamenn.

Samningi Guðjóns við Valsmenn rift

...utan kvóta!

Öll þessi síld útan kvóta og því mikill fengur fyrir kvótalausa "veiðimenn" að komast í allt þetta magn.

Síldin í toppstandi til vinnslu