....og ég sem hélt

að Reykjanesbær væri svo vel rekið bæjarfélag? Hefur alla vega ekki staðið á mönnum (manni) að blása út í fjölmiðlum í gegnum tíðina. Kannnski er það þá bara vindgangur eftir allt saman. Sorglegt þegar svo illa er komið fyrir sveitarfélagi að grunnskylda eins og rekstur grunnskólanna er skorinn niður, ekki við nögl heldur við fingurrót. - sorglegt að sukk draumóramanna bitni svona á þeim er eiga að erfa bæjarfélagið.

Tveir skólastjórar sögðu upp

Ekkert er nú jafnréttið!!!

Allt gert upptækt einn, tveir og þrír. Pínu lítið brugg og það horfið í eitthvert niðurfallið. En peningarónar þjóðarinnar fá að valsa um með bros á vör og stunda iðju sína áfram þó oft liggji málin jafn augljóslega á borðinu og blessað bruggið!!

Kraumandi gambri í Grímsnesinu

Enginn verður óbarinn biskup....

....hvað þá forsætisráðherra!!!

4,3 milljarða gjaldþrot BNT

Að vera nafni einhvers!

Gaman að sjá þetta. Alltaf heiður þegar einhver/eitthvað er skýrt í höfuðið á manni. Það er bara þannig. Er samt alveg viss um að Bono hefur ekki misst svefn yfir þessu.

Varðandi hljómsveitina og plötuna  þá er spurning hvort hægt er að segja að Joshua Tree sé ei n af fyrstu plötum U2 þar sem hún er nú 5 stúdíóplata þeirra - og sumir vilja meina 6 platan þar sem að tónleika platan Under a Blood Red Sky kemur þarna á milli War og The Unforgettable Fire.

• Boy (1980)
• October (1981)
• War (1983)
• The Unforgettable Fire (1984)
• The Joshua Tree (1987)
• Rattle and Hum (1988)
• Achtung Baby (1991)
• Zooropa (1993)
• Pop (1997)
• All That You Can't Leave Behind (2000)
• How to Dismantle an Atomic Bomb (2004)
• No Line on the Horizon (2009)

Ég sténd reyndar í þeirri meiningu að Joshua Tree nafnið sé dregið af plöntunni en ekki þjóðgarðinum, en það getur svo sem verið rangt hjá mér. Plantan sennilega samt í miklum mæli í Joshua Tree þjóðgarðinum.

e.s. er reyndar búinn að panta eintak af kngulónni til landsins

Kóngulóartegund nefnd eftir Bono

Rafmögnuð stemning í kringum Icesave

Icesave málið dettur ekki niður dautt svo mikið er víst. Nú er búið að hleypa straumi á málið á ný: Verður gaman að sjá hvort þessi straumur nær að tendra ljós einshversstaðar annarsstaðar en hjá okkur hér á klakanum. - Við getum þá kannski nýtt okkur það í að rækta túlípana til útflutnings!!!!!

.....rosalega verð ég glaður þegar það er komin niðurstaða í þetta blessaða mál.

Vilja rafmagn upp í Icesave

Orðaleppar til eftirbreytni!!!

Það er ég smeykur um að viðkvæmt fólk fái fyrir hjartað þegar Kári Kristján tjáir sig! Allt samt vel meint hjá honum og fólk verður bara að tóna orðin niður í huganum en svona er Kári Kristján, og þannig hef ég alltaf heyrt hann tjá sig, og ég myndi ekki vilja hafa hann öðruvísi.

Takk fyrir framlagið Kári Kristján og þið hinir - stolltur af ykkur - nú er bara að slaka á í kvöld og svo tekur næsta verkefni við. Áfram Ísland

Kári: Bara viðbjóður

Neita að trúa þessu!!!

Ótrúlegt að ég skuli ekki hafa fengið vinning!!! Maður er nu orðinn svo leiður á svona skilaboðum - alveg sama á hvaða máta þau berast. Endalaust flóð af þessu og allskyns upplýsingar sem að maður á að senda og ég veit ekki hvað. Ég bara neita að trúa því ða fólk sé en að falla fyrir þessum "gylliboðum"

Lögreglan varar við smáskilaboðum

Einfallt! Allt eða ekkert

Nú er allt undir og því um lítið annað að ræða en að gera sitt allra allra besta og sjá hvort það dugar til að klekkja á hinu magnaða franska liði sem við mætum í kvöld. Við verðum bara að vona að svo sé og að við förum áfram.  Áfram Ísland

Aron: Menn munu skríða út af vellinum

Magnaður leikmaður

Algjörlega magnað eintak af leikmanni Guðjón Valur. Hann hefur nú aldeilis fært manni gleðistundirnar í gegnum árin. Slíkt er ekki metið til fjár ;)

Árangur landsliðisns hefur verið svo magnaður síðustu ár að það hálfa væri nóg. Finnst stundum eins og við gleymum hversu gott strákarnir hafa verið að gera það. Hugsið ykkur hvernig þessir fáu strákar og þeir er að liðinu standa gefa lyft þjóðinni á hærra plan þegar vel gengur. Lækkað bensínverð! sértilboð á ajónvörpum, pizzum, hamborgurum og ég veit ekki hvað - það er nú nokkuð ekki satt. Auðvitað verður við pínu svekkt þegar strákarnir okkar tapa, en oftar en ekki hafa þeir hrist það af okkur í næsta leik - kannski verður það svoleiðis á morgun - við vonum það besta. Áfram Ísland

e.s. sakna þess reyndar pínu að sjá ekki lengur tilboð á VHS-tækjum ;)

Guðjón setti nýtt markamet á HM

Þetta líkar mér - peyji með metnað

Gleður mig að sjá að þetta sé gengið í gegn nú er bara fyrir pilt að standa sig hjá mávunum. Þokkalegur uppgangur hjá félaginu og eins og hann segir glæsilegur nýr leikvangur, sem en er verið að bæta við sætum á og svo er nýtt æfingasvæði framundan. Reksturinn virðist vera góður um þessar mundir og meðbyrinn mikill. Liðið er með mesta aðsókn hjá liðum fyrir utan úrvalsdeildina rúmlega 25.500 sem er nú sérdeilis fínt bara. Það þýðir í raun að það er nánast uppselt á hvern einasta leik.

Býð Emil velkominn í mávagerið og megi tími hans þar vera góður. Hlakka til að sjá hvernig honum gengur að fóta sig þarna.

Emil samdi við Brighton