...ekki nóg með það

heldur sagði refurinn í morgun þegar ég talaði við hann að KR-ingar færu pottþétt til Færeyja!!!!

Auðvitað var þetta skársti kosturinn hjá ÍBV með það íhuga að komast áfram. ...og auðvitað fara menn áfram en þá fyrst vandast nú málið, ekki myndu menn vilja fara til Kazaksthan. Reyndar er Andrew "Siggi" Mwesigwa fyrrum leikmaður ÍBV að spila í Kazaksthan. Menn gætu þá kannski skroppið í kaffi til hans!!!!

Tryggva varð að ósk sinni

Kominn tími til!!!

Ekki get ég sagt að ég sé hissa að heyra svona fréttir. Hvort sem þetta er rétt eða ekki þá tel ég nú bara víst að hann sé ekkert að koma mikið heim eftir U-21 mótið í Danmörku, ja nema þá til að pakka niður. Pilturinn búinn að vera ásinn í þessu Framliði, og einn besti leikmaðurinn á skerinu,  og ég vona svo innilega að framganga hans erlendis verði vaskleg og íslenskum tuðrusparksunnendum til ánægju og honum sjálfum að sjálfsögðu til aukinnar virðingar í þessum harða heimi.   ....en missir Framliðsins í erfiðri stöðu er mikill svo mikið er víst.

Jón Guðni á förum frá Fram

Með bjartsýnina að leiðarljósi

Það er gott að Páll Viðar er bjartsýnn á að hans menn hristi af sér slenið. Það þýðir nefnilega lítið að hengja haus og fela sig. ÍBV næsti heimaleikur og svo FH ef ég man rétt. 6 feit stig þarna, verður forvitnilegt að sjá hverju menn ná úr þessum leikjum.

Páll: Þrjátíu stig í boði á heimavelli

Valsmenn léttir í lund!!!!

Þetta er góður dráttur svo ekki sé meira sagt. Ekki amalegt að fá bikarleik gegn Val, þó svo að það verði á útivelli sem er svo heimavöllur okkar í Evrópukeppninni þannig að Eyjamenn á höfuðborgarsvæðinu geta farið að líta á Vodafonevöllinn sem sitt annað heimili!!!!

Verður náttúrulega líka gaman að sjá slag þeirra á Vestfjörðum gegn Íslandsmeisturunum er ansi hræddur um að Guðjón Þórðar og liðsmenn hans iða í skinninu yfir því að fá þá grænklddu úr Kópavoginu í vel hertan harðfisk og hákarl!!!  Næsta víst má líka telja að það verði hiti í Frostaskjólinu!!

KR og FH mætast í Frostaskjóli

Yeah right!!!

Tryggvi segist ætla að spila - já já gott og vel hjá mínum manni. En ég sé bara ekki að hann komist í hópinn eftir góðan sigur ÍBV á Kjalnesingum í bikarnum í gærkvöldi, og góðan leik eftir að hann fór útaf í Keflavík. Held að Tryggvi muni því hvíla og verða hvíldinni feginn     ........en stigin þjú sem í boði verða þau lenda hjá ÍBV

Tryggvi ætlar að spila gegn Víkingi

Ekki leiðinlegt

Þrjú fantagóð stig svo ekki sé meira sagt. Ekki amalegt að gera svona ferð í Bítlabæinn. Fyrir mér lítur þetta út sem gott framhald af ágætum seinni hálfleik gegn Blikum um síðustu helgi. Ætti að verða bara betra þegar allir verða heilir og komnir í gír. Hef engar áhyggjur þetta verður í góðu lagi í sumar. 

Til hamingju strákar - Bikarinn á miðvikudag, ef ég man rétt, og svo Víkingar heima.

Eyjamenn í annað sætið

Spurning um vilja?

Sé að leik Þór/KA gegn Grindavík í kvenna sem fram fer í Grindavík er ekki frestað. Ekki heldur Keflavík - ÍBV í karlaboltanum þannig að kannski var þetta bara spurning um vilja - þetta með að fresta leiknum? Hefðu FH-ingar ekki bara geta lagt af stað snemma í morgun og það keyrandi? Hvernig fóru stelpurnar í Þór/KA ?

Er verið að hyggla sumum en öðrum ekki?

Leik Þórs og FH frestað um sólarhring

Íslandsmótið í snjókasti!

það er spurning hvort ekki verður hægt að keppa bara í snjókasti og öðrum snjótengdum íþróttum  í leiðinni. Það verður þó að fara varlega á slíkum mótum!! Set með hérna þetta óborganlega atriði úr Dumb & dumber til að koma fólki í rétta gírinn!!!

Líklegt að Þór og FH spili á sunnudaginn

Fyrsta leikmanna drama sumarsins!!!

Þá er þesssum farsa lokið með niðurstöðu sem ja allavega tveir aðilar eru mjög sáttir við og KR-ingar hafa á endanum gefið eftir til að liðka um fyrir þessu, en ég er ekki alveg eins viss um hversu sáttir þeir eru við framgang þessa máls.  Spurning svo hvort í kjölfarið á þessu máli við fáum fleiri leikmenn sem fara Twitter-leiðina í nýtt lið, já eða í gegnum Facebook. Sprækur tuðrusparkar Ingólfur er mér sagt og nú er komið að honum að sýna Kristjáni Guðmunds að hann sé nógu góður til að komast í liðið að Hlíðarenda .........annars gæti jafnvel orðið líflegt á vefnum!!!!

Hef reyndar heyrt í KR-ingum sem sögðu áður en þessi skipti áttu sér stað að þeir vildu að piltur yrði látinn fara eftir það sem á undan gekk, hegðun hans hefði verið eitthvað sem þeir sættu sig ekki við hjá sínu félagi.

Ingólfur fór úr KR í Val

Nokkuð sanngjarnt.

Held að menn verði að telja þetta nokkuð sanngjörn úrslit. Blikar áttu nú samt skot í þverslá í fyrri hálfleik og í stöng í síðustu sókn leiksins. Blikar betri í fyrri en ÍBV ívið sterkari í seinni. Það var svona eins og sjálfstraust ÍBV leikmanna fjaraði út eftir því sem leið á leikinn eða þangað til þeir skoruðu þá vöknuðu menn og voru skæðari í framhaldi af því ef undan eru skyldar eina 3 sóknir Blikar sem voru nokkuð góðar.  Ætla nú ekki að draga einhverja út hjá mínum mönnum en vörnin var góð sem og Albert í markinu. Andri átti sennilega sinn besta leik í sumar, þó hann hafi ekki byrjað vel. Þórarinn Ingi hljóp af sér sokkana. En ef menn taka þann anda er kom upp á yfirborðið í seinni hálfleik þá getur framhaldið orðið ágætt.

Jafnt á Hásteinsvelli