Maðurinn sem við........

...áttum að krækja í  í haust, Pape,  sökkti okkur, ekki var það nú gott. En það er engin ástæða til þess að fara samt á taugum útaf þessum úrslitum, en menn eiga náttúrulega að vinna svona leiki. Veit nú ekkert hvort einhverjir voru frá eða voru að hvíla í kvöld eða hver svo sem staðan er á því en það skiptir ekki öllu nú þurfa menn bara að klára restina af leikjunum í þessum blessaða riðli. 

Pape með tvö gegn Eyjamönnum

Ánægður...

...með greiðsluna hjá mínum.

Hún verður ekki svona stílhrein þegar hann verður á siglingu um völlinn í hvítu treyjunni í sumar. Velkominn heim félagi.   .....hhhmmmmm dollu, já hver veit nema það rætist. Mönnum gekk vel í futsal mótinu í fyrra og í ár. menn komust í úrslit í fotbolti.net bikarnum ...menn klúðruðu að mínu mati deildinni með eigin kæruleysi i fyrra, en einhvern tíma hljóta menn að komast yfir þröskuldinn.

Áfram ÍBV

Gunnar Heiðar: Lokar ekki neinum dyrum (myndskeið)

Hvur ands.....

Jæja þessi piltar sem að maður plataði til landsins á sínum tíma eru sumir hverjir hér en og það mun gleðja mig í sumar að bæði Matt Nicholas Paul Garner og Ian David Jeffs munu báðir verða í ÍBV búningnum. Nú er bara að vona að gengið verði gott á sumri komanda.  Áfram ÍBV

Matt Garner áfram í Eyjum

Skotnir af tvíslánni

Piltarnir í Fimleikafélagi Hafnarfjarðar skotnir niður í dag. Ekki leiðinlegt þegar maður fréttir af sigri gegn þeim. Jájá ég veit að þetta er eitthvert smámót, já stórum vefmiðli, en við notum það til að ná sálfræðilegum yfirburði gegn Fimleikafélaginu sem mun nýtast okkur vel næsta sumar. (vona ég)

Áfram ÍBV

ÍBV setti þrjú í seinni og vann FH

Fínt að byrja vel

Það getur verið fínt að byrja undirbúningstímabilið vel. Það sem er kannski mikilvægara fyrir ÍBV -liðið er að allir erlendu leikmennirnir eru komnir til landsins og því geta menn reiknað liðið út aðeins fyrr en vanalega því öll púsl ættu að vera komin í hús nú þegar. Auðvitað getur vel verið að stjórnin ætli að næla í fleiri leikmenn en ég er ekki alveg viss hvernig staðan á því er en mín tilfinning er að liðið sé orðið það dýrt í rekstri nú þegar að ekki sé mikið svigrúm til að bæta við leikmönnum, ja allavega ekki einhverjum ásum, en við sjáum hvað setur. Okkur gekk vel í fyrra og maður vonast auðvitað eftir slíku aftur, en svo er alltaf spurning hvað á að leggja undir fjárhagslega til að vonast eftir einhverjum árangri. Deildin var í fyrra fannst mér slappari en oft áður en jafnari og lið eins og KR og FH vöknuðu seint til lífsins og Keflavík svaf yfir sig nánast frá 4 umferð eða svo. - Hlakka til sumarsins.

En við eigum leik við FH á morgun ef ég man rétt sigur þar og fjörið heldur áfram í fótbolta.net mótinu. Kannski rétt að nota þetta tækifæri og þakka fotbolta.net fyrir að koma þessu móti á laggirnar - það var vel til fundið.

ÍBV vann á Akranesi

Stutt stopp

Þetta var stutt stop  hjá Ásgeiri hér á Eyjunni í suðri. Þakka hans framlag í okkar góða árangri síðasta sumar og óska honum góðs gengis í Kópavoginum. Það verða greinilega nokkrar breytingar hjá okkur Eyjamönnum fyrir næsta keppnistímabil, eins og oft áður. Vona ara að uppskeran verði góð næsta sumar.

Ásgeir Aron samdi við HK

Valsmenn komnir með innkaupadeild?

Það er aldeilis að menn ætla að gera atlögu að titlinum næsta sumar að Hlíðarenda. Maður þarf nú að fara að hitta á, eða heyra í , félaga Kristjáni Guðmundssyni og heyra hvað hann er að spá í að gera þarna. Hef fulla trú á Stjána sem þjálfara en kannski frekar spurning um hvaða trú hann hefur á mannskapnum sem er þarna fyrir. Maður á kannski ekki að vera hissa þó einhverjar séu breytingarnar því liðinu hefur ekki gengið vel síðastliðin 2 tímabil þrátt fyrir að vera með ágætis mannskap, kannski a menn nái að kippa því í liðinn sumarið 2011. Vona það fyrir hönd stuðningsmanna Vals.

Þriðji Færeyingurinn til Vals

1. maí er góður dagur

Það er ég smeykur um að ekki væri verra að byrja mótið þann 1. maí á næsta ári. Sérstaklega ef að ÍBV á heimaleik í fyrstu umferð. Þá getur maður jafnvel fagnað sigri hjá sínum mönnum á afmælisdaginn sinn það yrði ekki leiðinlegt. Treysti því að Birkir Sveinsson standi sig í vinnunni!!!

Keppni hefst jafnvel 1. maí

Ekki dauður úr.....

Ja þetta eru svo sannarlega tíðindi. Er ekki í nokkrum vafa um að það er nokkur fengur í þessum klára knattspyrnumanni. Reyndar er aldurinn farinn að segja til sín, þó ekki hafi borið mikið á því í sumar. En þó að hann verði ekki með eins ferska fætur kannski næsta sumar þá er reynsla hans dýrmæt og mun hún án nokkurs vafa reynast þeim Safamýrarpiltum drjúg. Auk þess sem ég er viss um að hann mun miðla til sér yngri drengja og kenna þeim einhver trix sem hann hefur lært á löngum ferli.

Arnar Gunnlaugsson til Fram

Fengur í okkar fang!

Þarna bætist í leikmannaflóru ÍBV ungur og efnilegur strákur sem eflaust á etir að styrkja okkar annars ágæta hóp. Það verður gaman að sjá hvernig þessum pilti gengur að aðlagast umhverfinu hér í Eyjum og berjast fyrir sæti sínu. Þetta er án nokkurs vafa högg fyrir hið spræka lið Víkings í Ólafsvík en það er þar eins og hér að maður kemur í manns stað. Um leið og ég býð Brynjar Gauta velkomin til liðs við ÍBV óska ég þess að Ólsurum gangi vel í fyrstu deildinni á næsta sumri. Þeir sýndu það í sumar sem leið að þeir geta svo sannarlega bitið frá sér.

Fyrirliði Víkinga til ÍBV