Ófarir annarra

Mér hefur alltaf verið sagt að ég ætti ekki að gera grín að óförum annarra. En hjá því verður samt held ég ekki komist að brosa að þeim, ja allavega út í annað. Það á svo sannarlega við í kvöld eftir frækinn sigur Selfyssinga á Vesturbæjarstórveldinu sem menn eru búnir að mæra upp í topp og örlítið hærra á stundum!!!

Til hamingju með fyrsta sigurinn í efstu deild Selfyssingar, hann er án nokkurs vafa kærkominn, og ekki leiðinlegt að landa honum í Frostaskjólinu, þar sem klárlega er mjög kalt þessa stundina. 2 heimaleikir búnir og aðeins 1 stig í hús.

Það eru nákvæmlega svona atvik sem gera fótboltann svo skemmtilegan.

Gummi Ben sótti þrjú stig á KR-völlinn

Athugasemdir

[Kristinn Karl Brynjarsson, 16.5.2010 kl. 21:45]

KR-ingar eru klárlega 5 stigum á eftir áætlun.  Næst er það teppið í Garðabæ. Ef það nást ekki 3 stig þar í hús, þá fara menn að örvænta fyrir alvöru.  Þá fer þetta að minna á það fyrir tveimur eða þremur árum, þegar þeir voru í fallsæti fram eftir sumri.

[Hamarinn, 16.5.2010 kl. 22:22]

1 stig af 6 á móti nýliðunum. Ha hahahahaha

[Gísli Sigurðsson, 16.5.2010 kl. 23:01]

Ég er svipað innrættur og þú nafni. Ég get ekki annað en glott út í annað eða jafnvel bæði yfir þessu gengi meistaraefnanna svona í byrjun móts. En gleymum því ekki að það er mikið eftir og þeir gætu komið sterkir inn í næstu umferðum. Þetta er allt of vel mannað lið til að vera í svona strögli. En svo getur þetta verið spurning um æfingaálag og menn séu bara þungir og ekki í réttum fasa í þeim málum.

[Hamarinn, 16.5.2010 kl. 23:22]

Eru KR ingar ekki búnir að vinna flest vormótin, ásamt spádeildinni. Þá verður ekki meira af titlum til þeirra.

[Babu (IP-tala skráð) 17.5.2010 kl. 01:49]

Þetta var agalega sætt ;) 

En bæði eru Haukar og Selfoss betri en af er látið og KR á HELLING inni. Þeir yfirspiluðu Hauka og áttu að vinna þar sannfærandi og lenda manni færri gegn mjög baráttuglöðu Selfossliði með rosalegan stuðning.

Þannig að á meðan ég býst fastlega við KR í toppbaráttunni í sumar þá fagna ég þessum sigri gríðarlega, nákvæmlega þarna og með svona stemmingu á að vinna fyrsta sigur í úrvalsdeild í sögu félagsins :)

[Ulfur Karlsson (IP-tala skráð) 17.5.2010 kl. 08:47]

Thetta verdur kanski bara baratta IBV og FRAM um titilinn :)