...er biskupinn ekki jarðtengdur?

Slæmt þykir mér að lesa þetta og sjá að hinn mæti og mikilsmetni prestur Ólafur Jóhann fái ekki stöðuna með stuðningi biskups.  Án þess að kasta rýrð á aðra presta landsins þá verður ég að segja að ég held að fáir, ef nokkur prestur, hafi sungið sig jafn ljúflega inn í söfnuð sinn og Ólafur Jóhann hefur gert. Afskaplega heilsteyptur og skemmtilegur karakter þessi drengur og sóknarbörn hans eru svo sannarlega á þeirri skoðun líka.

Þykir ekki gott að sjá þetta mál fara í þennan farveg, þó hann sé kannski hinn rétti að mati biskups, en ég trúi því að sóknarbörnin munu hafa sitt í gegn og að biskup verði sáttur við þá niðurstöðu.

 

Biskup hafnar tillögu um séra Ólaf

Athugasemdir

[Anna Sigríður Guðmundsdóttir, 31.5.2014 kl. 21:21]

Almenningur skynjar vel, að trúarbragða-embættis-ofríki stríðir í raun gegn réttlætinu, lýðræðinu og sanna náungakærleikanum. Klerka-embættisfólk kennir fólki að trúa á gervi-Mammon-guð peninganna. Ekki má þó alhæfa í þessu frekar en öðru.

Trúarbragða-skoðanakúganir hafa alla tíð skapað stríð og ófrið.

Biskupar, prestar og aðrir trúboðar geta ekki skipað sér í sæti heilags anda almættisins algóða, né kúgað neinn til trúarbragða-skoðana, því það er hræsni og afneitun á almáttugum, heilögum og góðum frelsisanda hvers og eins.

Sem betur fer er unga fólkið í dag opnara fyrir heilögum og milliliðalausum guðsanda, heldur en sumt eldra fólkið sem trúir of mikið á klerkastéttina prédikandi og trúarskipandi.

M.b.kv.