Samanburður....

Geta menn á einhvern hátt borið þetta saman við þann samning sem að boðið var upp á hér á landi í þessum rannsóknum á þeim viðbjóði er átti sér stað hér á landi í Breiðuvík og víðar? Sýnist sem svo ef að tölurnar hjá mbl.is eru réttar að þarna, sem þær ættu að vera,  að um sé að ræða rúmar 36 milljónir á mann ef að maður deildir tölunni jafnt niður, en hef nú trú á að þetta sé eitthvað mismunandi eftir einstaklingum. Veit einhver hvað var boðið hér á landi?

Greiða fórnarlömbunum 19 milljarða í bætur

Bætist í fylgið

Það var ekki hringt í mig en,  ég ætla að segja já - ekki einu sinni að hika við það. Af þeim sem koma í prentsmiðjuna og hafa rætt málin er en aðeins kominn einn sem ætlar að segja nei en það eru einir 12 komnir með já þannig að þar er munurinn vel yfir 56%.  Kannski að nei sinnar fjölmenni í prentsmiðjuna eftir helgi?

Hver svo niðurstaðan verður í kosningunum þann 9. apríl hef ég ekki hugmynd um. - það kemur allt í ljós.

56% segja ætla að styðja lögin

Nú spyr ég.....

.....er brot að ráða þann sem metinn er hæfastur? Menn búnir að koma upp ákveðnu ferli fjölmargir sækja um þetta fer sína leið og hópurinn minnkaður niður í 5 - þeim styrkleika raðað og sá sem talinn er hæfastur er svo ráðinn. Er það að brjóta lög? Svo kemur einhver önnur stofnun, jafnréttis eitthvað og fer yfir gögnin og sú sem var 5 í röðinni er allt í einu orðin jafnhæf og sá sem fyrstur var. Þá kemur í raun grínið í þessu af því að hún var talin jafnhæf þá á hún að fá starfið. 2 jafnhæfir einstaklingar og því ber að ráða konu hvaða jafnrétti er í því ? - jú það segir svo í lögum er það ekki - hverslags lög eru það eiginlega?  Auðvitað hefði Jóhanna auðveldlega geta gert eins og þegar menn réðu son ritstjórans í Hádegismóum embætti fyrir norðan þar sem hann var talinn minnst hæfur af þeim er eftir voru en var samt ráðinn ef því að Árni Matt sagðist hafa um það einhverja vitneskju að hann færi færari en nefndin sem að valinu stóð!!!!! - viljum við hafa samfélagið þannig áfram? Ég held ekki.  Já eða vinnubrögðin þegar Jón Bjarna réð bóksalann á Selfossi, ekki var það nú gæfulegt ferli.

M'alið frá 2007 ætla ég ekki að ræða um enda ekki kynnt mér það neitt en mér finnst menn aðeins hafa dýft hendi í vatn að ástæðulausu þarna.

Einnig brotleg 2007

En hjá framkvæmdastjórum? Er þetta ekki....

...ekki gengið of langt? - hvar ætla menn að draga línuna? Þá meina ég að ALþingi Íslands árið 2011 sé verið að álykta og leiða slíkt jafnvel í lög?

Er ekki rétt að höfða til skynsemi manna í þessu? Þarf að festa svona í lög og reglur? Er þá ekki nær að samtökin geri það sjálf? Það ætti að vera auðvelt og þá vita þeir sem bjóða sig fram hvað í boði er. Auðvitað gæti þetta virkað vel og hvetjandi, og er vel til þess fallið að menn gleymi ekki umbjóðendum sínum.

Er þá ekki hægt að setja líka í lög að ef viðkomandi verkalýðsfélag fer í verkfall að þá fari formaður sjálfkrafa á sömu laun og öðrum eru greidd úr verkfallssjóði?

Hámark sett á laun verkalýðsforingja

Frábærar fréttir

Þetta eru nú aldeilis sérdeilis frábærar fréttir sem þarna eru settar fram. Ég er eiginlega mest hissa á að mbl.is skuli hafa birt þetta, svona jákvæðar fréttir sem tengjast pólitík og ekki af þeirra væng - ja hérna hér.  En kannski er það svo að blaðamaður mbl.is heldur, eins og sennilega megnið af þjóðinni, að þarna sé aðeins um gabb að ræða!  EN það á allt eftir að koma í ljós. En ég ætla eins og svo oft áður að vera bjartsýnn og trúa því að skattalækkun muni eiga sér stað og þá að sjálfsögðu með hækkun persónuafsláttar.

Stefnt að lækkun skatta

Minn maður hættur

Ja hérna öll ævintýri taka enda eins og menn segja. Eyjapeyinn að leggja körfuhringnum. Það verð ég að segja að það verða viðbrigði að fylgjast með körfunni og hafa ekki félaga Frikka Stefáns til að fylgjast með. Þarna er á ferðinni einn af fremstu íþróttamönnum sem Eyjan í suðri hefur af sér alið og það í íþrótt sem sjaldnast hefur komist upp fyrir sjóndeildarhringinn í hans uppeldisbyggðarlagi. Þó svo að Frikki hafi verið minn maður í þessu  þá er nú samt SNæfell mitt lið í efstu deild og hefur alltaf verið en lið Frikka höfðu vinninginn þegar þeir voru ekki þar.

Ég vil bara þakka félaganum fyrir gleðina á körfuboltavellinum í gegnum árin, geri ekki ráð fyrir að hann hafi lagt gítarnum  og því gæti maður átt eftir að heyra glamrið í Herjólfsdal og jafnvel víðar Svo var það nú ekki til að skemma stemmuna þegar hann færði mér Njarðvíkurbúning frá sér sem er vel geymdur innan um fullt af fótboltabúningum sem mér hefur áskotnast í gegnum tíðina.

Takk fyrir mig Frikki.

Friðrik og Páll hættir

Mikilvægur sigur

Það gekk að sökkva Toronto á heimavelli. Gaman að sjá að Aron Brooks átti stórleik, hans besta síðan hann kom til okkar frá Houston - 25 stig og 8 stoðsendingar.  Afar mikilvægur sigur vilji menn halda áfram að reyna að pressa á að komast í úrslitakeppnina í ár.  Hlutfallið í 26-24 og framundan leikir gegn Hornets og Dallas Mavericks á heimavelli og svo heimsókn til Sacramento á þriðjudaginn.

Þríeykið stóð fyrir sínu

Áfram mínir menn

Góður sigur á Haukum og sæti í undanúrslitum tryggt. Þannig að menn eru enn inni í pakkanum um að verja titilinn en brekkan verður sífellt erfiðari og menn mega ekkert hiksta ef að þeir ætla í úrslitin. Fáum við ekki Stjörnuna og það er ég smeykur um að lærisveinar Teits meistara Örlygssonar verði ekki auðsigraðir en ég hef trú á mínum mönnum og að þeir komist í úrslitaleikinn en það er best að fagna ekki of snemma. Shouse er nú í hinu liðinu og hann þykir mér frábær.

En maður býður bara spenntur.

Stjarnan, Snæfell og Keflavík áfram

Það er ég smeykur um......

.....að þetta sé hinn myndarlegasti hópur sem þarna ljáir nafn sitt við hinn svokallaða Áfram-hóp. Hvort hópurinn mun svo skeiða áfram og það til meirihluta þann 9. apríl á svo eftir að koma í ljós.

Stuðningsmenn Icesave boða til fundar

Sagan endalausa

Segir forystu VG hafa beðið um áskoranir

Sko karlinn

Minn maður bara fluttur úr landi. Bjarni Hólm er einn af þessum piltum sem að gengu til liðs við ÍBV á meðan maður var í ráðinu, dagfarsprúður og góður piltur Bjarni. Sá hann síðast á æfingu hjá ÍBV hér fyrir utan prentsmiðjuna um daginn í brekkuhlaupum. Hann hefur oft verið hressari en þá eftir brekkuhlaupin. Þá var staða hans óráðin en hann var á leið út og því er gott að sjá að þarna hafi rofað aðeins til hjá honum og hann fundið lið til að spila með - ég fagna því og fyrst að það er ekki ÍBV þá er ágætt að það lið sé bara í öðru landi.  Megi þér ganga sem allra best félagi.

Bjarni Hólm til liðs við Levanger

Menn verða að draga línur...

.....og kunna sig í almennum samskiptum hvort heldur er í þessu máli eða öðrum. Þetta er svona sorglegt ferli sem verið er að fjalla um hér og eitthvað sem hefði alls ekki þurft að eiga sér stað. ...og á í raun ekki að eiga sér stað.

Valtýr svarar Jóhönnu

Þennan leik hefði ég viljað sjá

Þrátt fyrir tap minna manna þá hefði ég gjarna viljað sjá þennan leik. Það er að verða flóknara og flóknara að komast í þetta verkefni að komast í úrlstiakeppnina og lengstum í vetur hefur hún í raun bara verið fjarlægur draumur en með heppni og nokkrum góðum sigrum þá gæti það nú gerst að menn næðu inn. En það er undir fleirum komið en okkur sjálfum.

Nenni ekki að minnast á Nash en  Marcim Gortat með tvöfalda tvennu en einu sinni en hann er greinielga að spila besta bolta ferilsins þessa dagana. Já og ekki má gleyma Channing Frye sem er nýkominn til baka eftir að hafa farið úr axlarlið.

Þríframlengt í Staples