Lykilatriði vantar í fréttina.

Ég skil vel að Lee gefi út þá yfirlýsingu að hann sé sáttur hvernig þetta fór fyrir Alþingi fyrir það fær hann borgaði og ég sjálfur er ekki frá því að ég sé sammála honum. Hann vill jú fá útborgað, en ég er á launaskrá annarsstaðar!

Það sem menn klipptu út úr viðtalinu og birtu ekki var hins vegar það að í lok viðtalsins lýsti Lee Bucheit því yfir að hann hefði í hyggju að taka þátt í Mottu-mars keppninni en hann er annálaður skeggapi og hefur þegar tekið stefnuna á sigur.

Ánægður með að Icesave-lög voru samþykkt

Ding Dong enginn heima

Þetta er náttúrulega eins dapurt og það getur gerst. Skjóta á fólki í jarðaför, þrátt fyrir að um mótmælanda og mómæli sé að ræða. Er ansi hræddur um að yfirvöld séu ekki alveg að gera sér grein fyrir að það verður hægara sagt en gert að berja niður þessi mótmæli með ofbeldi og hervaldi. Fólk er búið að fá nóg og vill breytingar og eins og það sé ekki nóg þá er fólki í þessum norður-Afríku löndunum núna tilbúið að ganga lengra en það hefur gert áður.

Núna er atgangurinn mestur í Norður-Afríku, (og kannski austurlöndum nær, en þetta á eftir að breiðast út suður eftir Afríku það er ég viss um. Það verður hasar á þessum slóðum, meiri en verið hefur, næstu 4-5 árin.

Skotið á útfarargesti

Tap en samt....

.....ekkert til að hengja sig útaf. En ljóta hörmungin að tapa svona útaf föstum leikatriðum - hörmung. En það er þó sárabót að ég er ekki frá því að þótt að við höfum tapað þá vorum við betri í að halda boltanum innan liðsins þó ekki höfum við skapað haug og helling. Tap já já einhverjir eiga eftir að minnast á það en það verður í góðu við getum þá núna einbeitt okkur að deildinni því þar er mikið framundan og ekkert er mikilvægara til vors en að reyna að tryggja það að við komumst upp um deild.  - já ekki má gleyma að við áttum efnilegasta leikmanninn á vellinum.      ...........Seagulls forever

Birmingham og Stoke áfram

Karlinn hristir þetta af sér

Tryggvi Guð eins og gárungarnir kalla hann hér á skerinu í suðri hristir þetta nú væntanlega af sér og verður kominn á flug áður en hann sjálfur veit af. Auðvitað er slæmt að verða fyrir svona hnjaski en menn með þessa reynslu eins og Tryggva halda alveg haus.  Karlinn verður að vera klár í 10 mörk í sumar

Synd að tapa þessu i gær eins og ég sagði en lifið heldur áfram og nú er framundan að sjá mávarna af suðurströndinni reyna að brjóta keramikkarlana frá Stoke - áfram Birghton

Tryggvi vonast til að spila með gips

Maðurinn sem við........

...áttum að krækja í  í haust, Pape,  sökkti okkur, ekki var það nú gott. En það er engin ástæða til þess að fara samt á taugum útaf þessum úrslitum, en menn eiga náttúrulega að vinna svona leiki. Veit nú ekkert hvort einhverjir voru frá eða voru að hvíla í kvöld eða hver svo sem staðan er á því en það skiptir ekki öllu nú þurfa menn bara að klára restina af leikjunum í þessum blessaða riðli. 

Pape með tvö gegn Eyjamönnum

Á þorrablótin með þetta!!!!

Er það ekki bara málið að innleiða þetta á þorrablótum hér á landi á næsta ári. Þetta ætti nú að flokkast sem eitthvað sem næstum því er þjóðlegt!!! Menn virðast hafa innbyrt næstum allt af öllum mögulegum skepnum í gegnum  aldirnar á Íslandi - því ekki hrossasæði? Já því ekki?

Hrossasæði á matseðlinum

Stórleikurinn á morgun

Það verður líg of fjör á morgun þegar Stoke og Brighton mætast í bikarnum. Ekki það að ég reikni með sigri minna manna en ég ætla nú að leyfa mér að vonast til þess að þeir taki hraustlega á móti Stokemönnum. Þetta á að vera auðveld bráð fyrir Stokeliða en bikarinn er nú þekktur fyrir óvænt úrslit. Kannski það verði á morgun. En þessi leikur á morgun breytir því ekki að deildin er aðalmálið hjá Brighton mönnum nú sem áður. Liðið vermir efsta sætið sem stendur og það væri virkilega gaman að komast aftur upp, tala nú ekki um vegna þess að nýji völlurinn verður vígður í águst

Drogba byrjar en Torres og Luiz ekki með

Sanngjörn launahækkun

Það verð ég að segja að þetta er sanngjörn launahækkun - alveg spot on eins og maður segir!!!!! Nú bíður maður bara eftir því að aðrir fái launahækkanir í sömu hlutföllum. Held að fiskvinnslufólk, kennarar, prentarar, bakarar, ræstitæknar og aðrir hljóti bara að setja fram kröfur um eitthvað í svipuðum anda og þetta og fá það í gegn.  Athugið að þarna erum við bara að tala um álag. Launahækkanir hljóta svo að koma ofan á þetta.  Það held ég að maður svitni við gerð verðskrár fyrir prentsmiðjuna þegar þessar launa og álagshækkanir skella á......kemur sér að það verða fleiri í sama gír.

Hljóta að vera ánægðir með þessa niðurstöðu bræðslukarlarnir hérna niður frá þar sem smáaura hækkanir þeirra áttu að setja þjóðarbúið á hliðina.   ......maður veltir fyrir sér hvort þetta fólk kunni ekki að skammast sín?

Hér hlýtur brátt að verða alvöru bylting.

Dómarar fá 101.000 kr. launahækkun

Í nógu að snúast!!!!

Það er hreint og beint allt að verað vitalsut hjá blaðamanni mbl.is  sem fjallar um málefni Herjólfs, Landeyjahafnar og frelsiskipsins, eins og einn kallaði sem hingað kom kallaði Skandia í dag. Flest mál í samfélaginu verða að smá málum samanborið við STÓRA-Landeyjahafnarmálið á síðum mbl.is.

Hvort það er gott eða slæmt veit ég ekki, en ég veit að það verður vel þegið og tímabært þegar Gulli og félagar byrja að sigla ferjunni aftur inn á milli garða í Landeyjahöfn.

Landeyjarhöfn ekki opnuð fyrir helgi

Gaman gaman

Það verð ég að segja að fátt gleður mig meira en að sjá drekkhlaðna loðnubátana bundna við bryggju og bíða löndunar. Sá einmitt þessa fögru sjón þegar ég var að labba í vinnuna úr ræktinni núna í hádeginu. Skilst að menn séu ekki byrjaðir í hrognatökunni enn og talað er um að byrja á henni kannski á þriðjudag. En umboðsmenn kaupanda eru mættir í bæinn og hér er nú kominn nokkur hópur af Japönum sem mælir göturnar þess á milli sem að þeir taka sýni úr loðnunni ....það er alltaf ákveðinn blær yfir þessu sem að ég hef gaman af.

Loðnukvótinn aukinn

Snillingar

Ótrúlegir margir þessir snóker kappar. Datt einmitt inn í að horfa á úrslitaleikinn á þýska meistaramótinu í Berlín um daginn á Eurosport - Ding Dong og kvöldið var farið. Þvílík skemmtun og spenna. Sá samt ekki fullkominn leik þar þó svo að menn næði sér upp í 3ja stafa tölu.

Fullkominn leikur í tíunda skipti

Dropi í hafið

Það verð ég að segja að þetta er dropi í hafið og ég er þess fullviss að þetta er hverrar krónu virði - vitið til. Það held ég að það sé nú meira vit í að verja einhverjum milljónum í þetta heldur en sumum þessum milljörðum sem verið er að henda í t.d. suma Sparisjóðina. tala menn ekki um 15 milljarða í Sparisjóð Keflavíkur!! Menn fóru á einkaflipp með það sem þeir töldu orðið sína eign og við eigum að girða upp um þetta lið - mætti ég þá frekar biðja um stjórnlagaþing. Það er engin að æsa sig yfir þessum milljörðum - athyglisvert. Hvað kostuðu illa ígrundaðar ákvarðanir í Seðlabankanum okkur fyrir hrun? Hvað fá stjórnmálaflokkarnir í styrk á ári? 

En að ætla að fá þessu ágæta fólki það hlutverk að endurskoða stjórnarskrána og koma með tillögur að vonandi betri stjórnarskrá og allt fer á hliðina. Sú afstaða finnst mér alveg með ólíkindum. Þó svo að þessar kosningar hafi verið dæmdar ógildar, sökum framkvæmdagalla, ekki svindls, þá lít ég á það fólk sem þarna sem þá aðila sem leita á til og skipa í starfshóp um tillögur að nýrri stjórnarskrá. Þetta fólk er fullfært um að koma með tillögur sem yrðu þjóðinni til sóma og hægt væri svo að leggja fyrir hana og alþingi til samþykktar, þó svo að tillögur þeirra yrðu ekki allar endanlegar þá gætu þær verið góð viðbót og endurskoðun á þeim grunni er við nú höfum.

Ekki gleyma að stjórnarskráin er hornsteinn hvers samfélags.  

Fjögurra mánaða þinghald kostar 408 milljónir

Yrði algjört áfall

það yrði nú ljóta afhroðið hjá okkur með öll þessi viðskipti í Evrum ef hún skyldi nú misstíga sig illa og verða að engu. Það er ég hræddur um að margir yrðu brjál. Við skulum bara vona að hún haldi sjó okkur til stuðnings.

Heyri það líka á umfjölluninni um þessar umræður að bráðum fáum við vitræna umræðu um ESB kosti og galla. Hvað innganga getur gert gott fyrir heimilið í innkaupum og í betri lánum, Hvað innganga getur gert margt slæmt fyrir heimilið og svo framvegis. Hvað verður um bændur? Hvað verður um þetta og hvað verður um hitt.

Slæmt fyrir Ísland ef evran hrynur